ياسمين الخطيب: 99 ٪؜ من الرجال المشاركين بصفحتى متحرشين

وجهت الاعلامية ياسمين الخطيب نقدا لاذعا لمعظم متابعيها وذلك بمناسبة موضوع متحرش المعادى، وقالت " أن 99 ٪؜ من الرجالة إللي بيكتبوا تعليقات جنسية على صفحتي العامة، مغرقين صفحاتهم آيات قرآنية وأدعية، زيهم زي أخينا ده إللي معظم صوره الشخصية من الحرم المكي! ".

وأضافت: "تخيل معايا كده لو ماكنش فيه كاميرا مراقبة، كان زمان الناس بيدافعوا عنه إزاي، وبيتهموا الست إللي فضحته إنها بتتبلى عليه ! " .

وأوضحت ان الدروس المستفادة : ١- إللي بيبالغ في اظهار تقواه أمام الناس -غالباً- بيداري بإيمانه المصطنع حقيقته المُنحطة، وإللي بينه وبين ربنا عمار مش مهتم يثبت ده للناس .. ٢- فيه خنازير برؤوس بشرية عايشين وسطنا، لابسين بِدل وماسكين سِبح، ومعظمنا بينخدع فيهم.. خلوا بالكم من عيالكم، وركبوا كاميرات.. ركبوا كاميرات.. كمان مرة.. ركبوا كاميرات ".