السبت 10 أبريل 2021 الموافق 28 شعبان 1442
رئيس التحرير
حازم عادل

كرم الشراقوة.. مضيف طيران عزم ركاب طائرة كاملة

الأحد 07/مارس/2021 - 12:05 م
مصر تايمز

قال الكابتن محمد عكر مضيف طيران، إنه في أحد الأيام منذ حوالي سنة تقريبا كان لديه رحلة من المدينة المنورة إلى القاهرة، موضحًا: "كان أغلب شغلنا في الوقت ده حج وعمرة قبل أزمة فيروس كورونا، وأثناء الرحلة لما كنت بستقبل الناس اللي طالعين على الطائرة عادتي أني بهزر مع الناس اللي طالعة وخصوصا لو كانت رحلات مصر وأعرف هما منين". 

وأضاف عكر، خلال مداخلة عبر تطبيق زووم، مع الإعلامي محمد الشاذلي والإعلامية هدير أبو زيد، في برنامج "صباح الخير يا مصر"، الذي يعرضعلى الفضائية المصرية والقناة الأولى، أنه علم منهم أن 75ثلاثة أرباعهم من محافظة الشرقية، وهو ما أسعده وجعله يريد تقديم أي خدمة لهم. 

وتابع: "بعد ما أقلعت الرحلة عرفتهم بنفسي ولت لهم إنني من محافظة الشرقية وقلت لهم أي إنني سأنفذ أي طلب يطلبونه مني .. وكنت محتاج أني أعمل اللي فوق العادي معاهم، وبالفعل عزمت كل الطائرة مش الشراقوة بس كان في ناس من الإسكندرية والقاهرة".

وأردف: "الرحلة كانت قوية جدا واتصورت مع الناس وأخدت أرقام ناس كتير جدا، العزومة كان أي شخص بيطلب حاجة كان بياخدها هو والناس كلها، وبنسبة كبيرة الطائرة كلها أخدت كل حاجة هما احتاجوها". 

وواصل: " في العادي أن أشيل الشنط للناس دي مش من مهام شغلي، لكن عملت ده وساعدت الناس وكنت بتعامل معاهم بطريقة كويسة جدا لأن هما دايما وخصوصا كبار السن بيبقوا داخلين وفاكرين أن الناس اللي لابسة بدل دول هيتعاملوا معاهم بطريقة مش كويسة، لكن لما شافوا أني بهزر معاهم بدأنا نتصور ونهزر وكانوا مبسوطين للغاية، ومن آخر الطائرة كنت بسمع الناس بتدعيلي".


ads
ads
ads
هل تتوقع دخول مصر فى موجة ثالثة لفيروس كورونا؟

هل تتوقع دخول مصر فى موجة ثالثة لفيروس كورونا؟