حبوني بصدق من غير مصلحة.. رانيا فريد شوقي تودع كلبيها بكلمات مؤثرة

ودعت الفنانة رانيا فريد شوقي كلبيها بكلمات مؤثرة، أعربت من خلالها عن حزنها الشديد لفقدانهما، مما جعلها تتصدر محرك البحث جوجل.

 رانيا فريد شوقي تودع كلبيها بكلمات مؤثرة

ونشرت رانيا فريد شوقي صور لكلبيها، من خلال حسابها الرسمي عبر موقع التواصل الاجتماعي فيسبوك، وكتبت: في نفس الشهر.. قلبي اتوجّع مرتين سنين من عمري عدت، عاشوا معايا فيها بحلوها ومرّها، بناتي كبروا معاهم، وأنا كمان… بقينا عيلة.
أضافت: دفوني بحبّهم، وعلّموني يعني إيه وفا من غير كلام.. حبّوني بصدق، من غير أي مصلحة، كان كل اللي طالبينه يفضلوا جنبي، مالهمش طلبات غير الحب ويبقوا معاك بكل عيوبك وظروفك.

تابعت: وجع الفُراق ما بيفرقش بين إنسان وحيوان، يمكن بعض الناس ما تفهمش الإحساس ده، و ارجوكم بلاش سخرية، بس اللي عاش التجربة دي… يعرف قد إيه الوجع صادق.

أختتمت: هما مشيوا، بس هيفضلوا جوّا قلبي، بنظرتهم، وحنانهم، وذكرياتهم اللي عمري ما هنساها.