بعد الهجوم عليه بمهرجان الجونة.. مراد مكرم يدافع عن طه دسوقي

وجه الفنان مراد مكرم، رسالة دعم للفنان طة دسوقي بعد تعرضه للإنتقادات والهجوم مؤخرًا بسبب محتوى الستاند أب كوميدي الذي قدمه خلال افتتاح مهرجان الجونة السينمائي 2025.

وأشاد مكرم بموهبة طه دسوقي الفنية المتميزة، حيث كتب عبر صفحته الرسمية على موقع “فيس بوك”، قائلا:"لا تربطني اية صلة صداقة أو معرفة حتي بالفنان الشاب طه الدسوقي ،بس ضايقني اوي كم الهجوم عليه من ناس كتير وصفحات كتير ، زي ما يكون الموضوع مقصود و مدبر".

وأضاف: “وأنا هنا هقول شهادة حق، من شخص في نفس المجال....طه ابتدي من الصفر، ممكن بدايته كانت ستاند اب كوميدي، بس فيه غيره كتير اوي و مشهورين اوي في مجالهم، يمكن أشهر منه ،بس ماعرفوش يمثلوا ،سواء مش موهوبين ، او ما جتلهمش الفرصه... بس طه عافر و دور علي الفرصه، ولما جاتله ذاكر و اجاد دور المحامي ولا دور أولاد الشمس ولا أدوار تانيه كتير اثبت فيها طه انه معجون فن،وماحدش جامله...هو يستحق الفرصه”.

وأكمل: “نيجي بقي لمقدمته في افتتاح مهرجان الجونه، قال كلام في قلب كل ممثل، وقاله ببساطة و تلقائية وخفة ظل وقبول من عند ربنا ...فيه فعلا كام واحد ما ضحكوش من الحضور ودول اللي الناس دي مسلطة عليهم في بوستاتهم، وفيه مئات تانيين في الحضور وملايين في البيوت سخسخوا علي روحهم من الضحك، او علي الأقل ابتسموا”.

وأختتم: "اللي يعرف طه يقوله ،ما تزعلش ..انت فنان و موهوب ،بس فيه ناس ،لأسباب مجهولة ما بيحبوش الخير لحد”.