نجيب ساويرس عن مهرجان الجونة: أصبح منبرا لصناعة السينما ومفيش منه عائد مادي

تحدث المهندس ورجل الأعمال نجيب ساويرس، عن مهرجان الجونة السينمائي 2025، التي تُقام فعالياته في مدينة الجونة بحضور نجوم الفن والإعلام، موضحًا أن المهرجان أصبح منبرًا لصناعة السينما، ومؤكدًا أن لا يجلب له عائدا ماديا، وأنه ينظمه بسبب حبه الكبير وشغفه في صناعة السينما.

نجيب ساويرس يتحدث عن مهرجان الجونة السينمائي 

وقال نجيب ساويرس، في لقائه مع الإعلامية مفيدة شيحة: في أفلام كتير مشاركة في مهرجان الجونة السينمائي واخدة جوائز قبل ما تجيلنا، أو جاتلنا وبعدين خدت جوائز، كل سنة ده بيحصل والإقبال على المهرجان بيزيد والجودة بتاعة المشاركين بتعلى، مهرجان الجونة بقى زي منبر لصناعة السينما، نسيبنا من الهيافات والكلام الفارغ بتاع الفساتين، صناعة السينما بتيجي هنا بتلاقي نفسها، في حراك دائم والصناع الحقيقيين موجودين هنا.

وأضاف نجيب ساويرس: الموضوع كبير ومكلف جدًا وبالنسبة لينا مفيش عائد، أنا بعمل المهرجان علشان بحب السينما، الفلوس متفرقش لأن مين يقدر يعمل زي الجونة تاني؟، المنافسة كويسة ولكن لما حد بيقولي ننافس الجونة بيبقى صعب.

مهرجان الجونة السينمائي 2025

ويُعد مهرجان الجونة السينمائي أحد المهرجانات الرائدة في منطقة الشرق الأوسط وشمال أفريقيا، يهدف إلى خلق تواصل أفضل بين الثقافات من خلال السينما، ووصل صناع الأفلام من المنطقة بنظرائهم الدوليين من أجل تعزيز روح التعاون والتبادل الثقافي.