نيدفيد: رمضان صبحي خذل ولاد النادي بقراره.. والأهلي ما يستحقش كده
تحدّث كريم نيدفيد، لاعب الأهلي السابق وسيراميكا كليوباترا الحالي، خلال ظهوره في بودكاست "فنجان شاي"، عن كواليس رحيل زميله السابق رمضان صبحي إلى نادي بيراميدز، مشيرًا إلى أن القرار كان صادمًا بالنسبة له ولعدد من لاعبي الأهلي.
وقال نيدفيد في تصريحاته: «رمضان صبحي كان الأقرب لي من فترة الناشئين والمنتخبات وحتى الفريق الأول، وقرار انتقاله إلى بيراميدز كان مفاجئًا جدًا، مش ده المنتظر من ولاد النادي، والأهلي ما يستحقش كده منه».
وأضاف: «الأهلي عامله معاملة خاصة جدًا، وكان بيحظى بتقدير كبير رغم صِغر سنه، والنادي كان بيجهزه علشان يكون من قادة الفريق في المستقبل، لكن قراره بالرحيل مكانش منطقي بالنسبالي».
وأوضح نيدفيد أنه شعر بخيبة أمل كبيرة وقت إعلان بيراميدز عن الصفقة، قائلًا: «بعد ما الصفقة اتعلنت رسميًا، رمضان بعت رسالة وداع على جروب الفريق في واتساب، لكني ما رديتش عليه، ومن يومها ما حصلش بينا أي تواصل».
واختتم حديثه قائلًا: «الأهلي كسر القواعد المالية وقدم له كل شيء علشان يستمر، لكنه في النهاية اختار طريق تاني، وده كان قرار صعب علينا كلنا».
