مديرة القابوطي الإعدادية ببورسعيد تفجّر مفاجأة: الطالبات غائبات من البداية

أكدت عبير جاد، مديرة مدرسة القابوطي الإعدادية بنات ببورسعيد، أن الطالبات اللاتي رآهن المحافظ خارج المدرسة "غايبات من الأساس"، موضحة أنهن حضرن إلى المدرسة في السابعة صباحًا لاستلام الكتب فقط ثم غادرن مع أولياء أمورهن دون دخول الفصول أو تسجيل حضور.

وقالت عبير جاد: "الطالبات اللي المحافظ شافهم جم الساعة 7:00 الصبح، استلموا كتبهم ومشيوا على طول وما دخلوش الفصول، وما اتسجلش لهم حضور، وأنا كمديرة مش مسؤولة إنهم لابسين تيشيرت المدرسة، طول ما هم مش مثبتين حضور يبقوا غايبين".

وأضافت: "أولياء الأمور كانوا موجودين وممكن يأكدوا إن البنات جائوا صباحا ، استلموا الكتب ومشيوا، وبعدها راحوا على الفرن يشتروا عيش ومروحين على البيت، والأم بنفسها قالت لبناتها: (هاتوا العيش وحصلوني على البيت)، ففين مسؤوليتي أنا كمديرة في الموقف ده؟"

وكشفت مديرة المدرسة أن بيتها في حالة من التوتر الشديد بعد الواقعة، قائلة: "ما بين ساعة والتانية بقيت متهمة قدام مصر كلها بالتقصير، بعد تاريخي المشرف في التربية والتعليم، والضغط النفسي دلوقتي مش عليا بس، لكن على بيتي وأولادي كمان".