زاين مصفف شعر النجمات يكشف تفاصيل غضب أسماء جلال بعد إعتزاله
كشف مصفف شعر الفنانات زاين تفاصيل غضب أسماء جلال بعد قرار اعتزاله المهنة مؤكدا محاولة إرضائها إلا أنها رفضت.
وقال زاين من خلال لقاء تليفزيوني ببرنامج "تفاصيل" " أسماء جلال زعلت مني بعد ما عملت فيديو اعتزالي وقلت إن شغلي حرام وحاولت أراضيها، وقلت للمساعدين بتوعها إني أقابلها وأعتذر لها أو أعمل فيديو تاني أعتذر لها.
وأضاف "لو رجع بيا الزمن مكنتش هغير رأيي لأن مكنتش شايف إن دي شغلتي في المستقبل، ومش حاببها كمنظر عام، وكان هدفي من الفيديو إني أعرف الناس إني سيبت حاجة واتجهت لحاجة تانية خلاص اهتموا بالبراند بتاعي والفيديو اتجه لحاجة تانية ".
وكان مصفف الشعر المعروف زاين، قد أعلن عبر مقطع فيديو على حسابه في تيك توك، اعتزاله العمل في المجال الفني نهائيًا زاين، الذي اعتاد العمل مع أشهر نجمات الشاشة مثل أسماء جلال، كشف عن الأسباب التي دفعته لهذا القرار الصادم.
وقال في الفيديو "الموضوع بدأ لما كنت بسرح لأسماء جلال شعرها عشان يبقى شكلها قمور في الكاميرا أكتر ما هو قمور، وبعدين سألت نفسي أنا بعمل إيه؟! بتخيل طول الوقت إني بلمس شعر أسماء جلال وغيرها من الممثلات، وبدأت أفكر يا ترى شغلي ده حلال ولا حرام؟ وعشان كده قررت أعتزل وافتح براند ملابس حاجة أتاجر فيها بالحلال"
وأضاف: "قررت أسيب الوسط الفني بكل احترام، وأبدأ مشروعي اللي بحلم بيه من زمان.. هفتح براند ملابس، واشتغل في حاجة بالحلال".
