سلمى أبو ضيف تكشف لأول مرة سبب اختيار أسم "صوفيا" لنجلتها في صاحبة السعادة

كشفت الفنانة سلمى أبو ضيف سبب اختيار أسم "صوفيا" لنجلتها، أثناء حلولها ضيفة في برنامج صاحبة السعادة، مع الفنانة والإعلامية إسعاد يونس، والمذاع عبر شاشة قناة دي إم سي، في تمام الساعة 10:00 مساءً.

وقالت سلمي أبو ضيف في برنامج صاحبة السعادة: “صوفيا شبه صفاء، عاجبني صوفيا لانها جايه من التصوف، هي اسمها صوفيا مونيك، اسم مركب مونيك اسم جدة زوجي من ناحيه والدته، الاسم لذيذ قوي اصلا معناه حلو برده، هو اسم جريكي يوناني”.

وتحدثت عن لحظة ولادتها لنجلتها صوفيا، وقالت: “ خدت الابيديورالحقنه اللي هي في الظهركنت حاسه بكل حاجه، كان في نص عندي مش حاسس وفي النص الثاني شغال عادي جدا فالدكتور حط المشرط على بطني، قلتله لا انا حاسه فراح حط لي الماسك ده فانا كنت ما شفتش اللحظه دي فصاحيه طبعا مدروخه”.

وتابعت: “إدريس بيديني صوفيا بقول له ايه ده مين، دي نسيت نسيت جزء كامل قال لي دي بنتك، فانا يعني ادركت  لحد ما فقت من المينج، وعملت سكين تو سكين اللي هو تلامس الام مع الابن، كنت مدروخه خالص كنت تحت تاثير البنج”.

وأضافت: “ما كنتش مصدقه ان معايا البيبي بتاعي، لقيتني بقول إد ده مين دي، وبعد كده قعدنا بقى انا وهي طول الليل وهم بصراحه في المستشفى كانوا لذاذ عشان، هم في ناس من المدرسه اللي هو لا بيبي في السرير لا هم كانوا لذاذ جدا بيبي معايا، ونايمه معايا و كان رضاعه بقى وكده، الموضوع كان حلو الحمد لله”.

وعن شعورها بعد الولادة، قالت: “ جالي في حاجه الامهات كلها بتتكلم عليها اسمها البوست بورتم اللي هو الاكتئاب ما بعد الولاده فانا قررت انا جوزي لما حضر اول ثلاث شهور جنان قال لي انا خايف قوي خايف على اللي احنا داخلين عليه قلت له بس اوعدك انه مش هعمل حاجة،  وانا وعدت نفسي ان انا مش عايزه اخش في الحته دي عشان انا لما بخش في الحته السوداء دي قوي اخش فيها قوي بيبقى مش حته حلوه وبطلع منها بياخدني وقت فانا دعيت ربنا كتير جدا يا رب مش عايزه اروح في الحته دي انا دخلت في الحته دي قبل كده ومش عايزه اروحها ثاني”.

وأشارت إلى: “ بصراحه ما جاليش البوست بورتين بس ابتدى يجيلي حاجه اسمها انزايتي اللي هو التوتر، الخوف الزائد اللي هو يا لهوي ممكن شكه في كل الناس اللي حواليا خايفه عليها خايفه عليها من نفسي ان أعمل فيها حاجه غلط او ده اللي جاللي من قريب الشهر ثالث شهر ابتدى يجيلي ف ده اللي انا مريت بيه في حته مش الاكتئاب بعد الولاده لكن انزيتي وودي حاجه شايفاها ان ممكن دكتوره تساعدني فيها”.

وأوضحت: “كلمت أمي، وقلت لها بصي انا حاسه ان انا ممكن تقع مني اعمل حاجه غلط فقالت لي سلمى بصي انا سايباكوا في الحياه انتوا ولادي وكده ادعي ربنا ان هو يحفظ لك ولادك عشان مهما حاولت احمي ولادي من غير رعايه ربنا يا مش هعمل لكم ايه مش هبقى معاكم طول الوقت، حسيت ان كلامها ريحني شوية”.