تامر حسني ينشر صور قديمة له.. ويعلق: مين الشاطر اللي هيعرف من أي عمل؟
نشر الفنان تامر حسني مجموعة من الصور التقطها منذ فترة، وينشرها لأول مرة عبر مواقع التواصل الاجتماعي.
وشارك تامر حسني الصور عبر حسابه الرسمي بموقع "إنستجرام"، وظهر خلالها بإطلالة كلاسيكية، وعلق: "صباح الفل عالكل، عندي صور لطيفة منزلتش من شغل ليا قبل كدة، حابب أشارككم بيها وكل كام يوم هنزل منهم، وبالمرة أشوف مين الشاطر اللي هيعرف الصور دي من أي عمل ليا".
في سياق منفصل، علق الفنان تامر حسني، على تصريحات المستشار تركي آل الشيخ، رئيس هيئة الترفيه السعودي، بأن فيلمه بحبك حقق أرقام قياسية مسجلة في عام 2022 بما يقارب مليار جنيه.
وقال تامر حسني، عبر حسابه الشخصي انستجرام: خالص الشكر لمعالي المستشار تركي آل الشيخ.. نصرتني يا أبو ناصر.. بعيدًا طبعا عن أن الرقم ده بيروح لموزعين الخارج عشان محدش يفتكر أن المنتج أو الأبطال بياخدوا الرقم ده.. لأ ده رقم بيتوزع على موزعين الخارج في العالم كله.. والفنان له أجر ثابت.
وتابع تامر حسني، المهم الكثير كان بيشكك في إيراداتي وكتير انتقدوا الفيلم قبل ما ينزل.. لمجرد أنه تأليفي وإخراجي وموسيقتي التصويرية.. كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهة المختصة عن رقمه القياسي..تيجي بقى من أبو ناصر نفسه أمام العالم كله.. ليثبت إنه كان كلامي صح وإني مش بقول غير الحق ولا مضطر أقول غير الحق.. وطبعا ده غير إيرادات الفيلم في مصر وباقي دول العالم.
