خدعني وحطني بموقف محرج.. منتج أغنية "مخصماك" يكشف عن خلافه مع "مسلم"
كشف المنتج مصطفى السويفي لأول مرة عن خلافه مع المطرب "مسلم" الذي تسبب في حذف ديو "مخصماك" مع نوال من منصات الموسيقى.
قال مصطفى السويفي في حواره مع ET بالعربي: "أنا صاحب شركة إنتاج والأغنية ملكي فمن حقي أحطها وأشيلها بس كل اللي بقوله أنا لو مش عايزه يغني مكنتس هجيبه. انت طلبت مني تغني الأغنية، فقلت هنعمل ديو بشكل معين".
ولكن مصطفى السويفي فوجئ بتعاقد مسلم مع المنتج سلطان الشن، وقال "لقيت الأغنية بتاعتي بتتقفل وبيتطلب مني فلوس عشان أفتحها لأنهم مالكين حق صوته، والأرقام مش قليلة حسيت بخداع، مسلم خدعني وقالي انه واخد إذن من الشركة وسلطان الشن يشهد على ذلك. عملنا اجتماع ولقيت إن مسلم مكانش مستأذن وفي الأخر الشركة اضطرت تدفع فلوس وحطيتني في موقف وحش قوي".
ووجه مصطفى السويفي رسالة لمسلم: "اتحايلت عليك كتير قوي تعمل ترويج للأغنية وقت نزولها في إبريل وانت معملتش حاجة. مفيش سبب واضح إنك متساعدناش، وانت اللي كنت عايز تغني الأغنية. وفجأة لما انتشرت، انت بقيت عايز تاخد النجاح ناحيتك. لا أنا اسف مش هسمحلك تاخد النجاح ناحيتك، هي مش ملكك على فكرة. هل أنا متديك تنازل عشان تقولي أشيلها ولا مشيلهاش؟ أنا حر".
