حسن شاكوش عن اعتزاله الغناء: أي شاب في الدنيا يتمنى شغلتي

كشف مؤدي المهرجانات حسن شاكوش، حقيقة اعتزاله الغناء، وذك من خلال بث مباشر عبر حسابه الرسمي بموقع التواصل الاجتماعي “انستجرام”.

وقال حسن شاكوش: الهدى ديه حاجة بتاعت ربنا وأنا مبعملش حاجة غلط وأي شاب في الدنيا يتمنى شغلتي، وأحسن ما أبيع مخدرات، الله أعلم بظروف اللي بيبيع مخدرات أو وراه إيه من مسئوليات أو ديون إيه، العذر لكل أخواتي الشباب.

وتابع حسن شاكوش: لو أنت مكاني هتقول أنا عايز أغني وعايز الشهرة دي، أنا اجتهدت وتعبت ومتعرفش أنا تعبت ازاي عشان أوصل للي أنا فيه، وأنا موصلتش لحاجة أنا في الأول، لسه المشوار قدامي طويل وعملت نجاح محدش عمله ولا هيعمله، أي حد بيتريق على الغناء يتمنى يبقى مكاني.

من جانبه، شوق مطرب المهرجانات الشعبية حسن شاكوش جمهوره، لأحدث أغانيه، وشارك جمهوره، بفيديو له من جانب تحضيره للأغنية، وذلك عبر حسابه الخاص بموقع تبادل الصور والفيديوهات"انستجرام

وكتب شاكوش:"ملكش مكان خسرت دلعنا وروقان الجديد بأمر الله يا رب يعجبكم".

أعمال حسن شاكوش

وكان حسن شاكوش قد طرح كليب"في داهية"منذ 3 أشهر على قناته الرسمية عبر اليوتيوب، وحقق 983 ألف مشاهدة.