تامر حسني يشارك جمهوره بآية قرآنية
علق الفنان تامر حسني على الأوضاع الراهنة و الظروف الصعبة التي يمر بها عدد كبير من الناس و ذلك من خلال نشره لصورة آية قرآنية على صفحته الرسمية عبر موقع التواصل الاجتماعي “فيسبوك”.
تعليق تامر حسني على الأوضاع الراهنة
كتب تامر حسني قائلا “إحنا في فترة من حياتنا عمرنا ما عدينا بيها قبل كدة والكل تعبان وكتير منا محتارين وكتير تايهين ومستغربين ومش مصدقين اللي بيحصل واللي شايفينه قدام عينينا”.
وتابع: “دلوقتي كنت بسمع شيوخ كتير بيتكلموا عن إننا لازم نقرب لربنا علشان ده الحل الوحيد لكل الأديان علشان نخرج من الضلمة اللي عايشينها للنور، روحت ماسك القرآن فجأة وفتحته وقولت يا ترا لما افتح عيني هتيجي على إيه، فتحت وعيني جت على الآية دي : قوله تعالى هو الذي يصلي عليكم وملائكته ليخرجكم من الظلمات إلى النور وكان بالمؤمنين رحيما”.
و استكمل “الحقيقة مفيش إشارة أوضح من كدة اللي عايز يشوفها صدفة أو إشارة بتقدير من ربنا .. في النهاية إننا نقرب لربنا أكيد حاجة أحسن و أحسن إننا نفتح القرآن و نقرا فيه و لو صفحة أيا كانت عينينا نزلت على إيه”.
واختتم “قراءة القرآن في حد ذاته أصلا ثواب كبير.. سبحان الله وبحمده”.
