"اكتئاب سن المراهقة" حلقة هامة فى ماما دوت أم الليلة مع فاطمة مصطفى

تفتح الإعلامية فاطمة مصطفى ،  ببرنامجها "ماما دوت أم" اللية 9 مساءا على قناة دى إم سى ، ملف الاكتئاب فى سن المراهقة وكيفية التعامل مع الأولاد فى هذه المرحلة.

ويحل الدكتور عبدالناصر عمر استاذ الطب النفسي، ضيفاً على الحلقة لمناقشة تفاصيل هذا الملف الهام وآليات تعامل الآباء والأمهات مع أولادهم فى هذه المرحلة.

وقالت الصفحة الرسمية للإعلامية فاطمة مصطفى ،" من أصعب سنين حياتنا مع ولادنا سن المراهقة.. هما حاسين انهم كبروا واحنا لسة بنتعامل معاهم على انهم صغيرين.. شوية ندادي وشوية نشد لكن بنحاول بكل الطرق اننا نرضيهم لكن ورا كل باب أب وأم حاسين بإحباط في المرحلة العمرية دي مع ولادهم مهما نعمل مش راضيين ومش مبسوطين مهما نحاول نتكلم ونقرب ليهم في حاجز بينا لاحنا عاجبينهم ولا حياتهم وطريقتهم داخلة دماغنا وبنغرق في دوامة من الشكوى وبنبرر دايماً ان ولادنا على طول مكشرين ومش راضيين وقافلين على نفسهم على انها مرحلة وهتعدي.. اللي احنا مش عارفينه ان المراقة مرحلة أصعب بكتير عليهم من صعوبتها علينا واننا لو ماركزناش وفهمنا المرحلة دي كويس ممكن يكون ابنك او بنتك بيعانوا من الإكتئاب ومحتاجين مساعدتك..تابعونا في حلقة النهاردة من #ماما_دوت_أم الساعة 9 على قناة دي إم سي وحلقة مهمة جداً عن إكتئاب سن المراهقة وضيفنا الدكتور عبدالناصر عمر استاذ الطب النفسي".