حورية فرغلي في صدارة جوجل.. اعرف السبب

حورية فرغلي.. تصدرت الفنانة حورية فرغلي، تريند محرك البحث الشهير جوجل ،خلال الساعات الماضية بعد حديثها عن عدة تصريحات جرئية ونارية خلال حلقة ببرنامج الإعلامي والفنان تامر شلتوت، كما كشفت سبب ارتباط إسمها بـ مطرب المهرجانات حسن شاكوش، بعد تصريحات طليقته بأن تجمعه علاقة بفنانة تمر بأزمة صحية، سرعان ما ربط الجمهور بأنها حورية فرغلي.

حورية فرغلي 
 

حورية فرغلي.. خرجت حورية فرغلي، الرد على هذة الشائعات،  خلال برنامج “في العمق” مع الإعلامي تامر شلتوت،  قائلة:" فيه مليون اسم اشمعنى حورية مسكتوا فيه، وأنا عمري مشوفت شاكوش، بس بحب أغانيه، وزعلانة إنه طلق ريم، لو مكانش فيه حب جامد بينهم مكنش هيكون في خناقاتهم، هي بتحبه أوي وغيروة عليه، بس هو مش عايز يبان قدام الناس إنه بتاع ستات".

حورية فرغلي .. تابعت:" ريم المفروض كانت تتعلم إزاي تخلي حسن ميبصش لحد غيرها، اللي اسمها سارة دي انتو سافرتو مع بعض وخرجتو مع بعض، فمحبتش اسمي يجي في حاجة زي دي، أنا زعلت إن الموضوع داخل في حتة الشرف، فلما تقولي اسمي هخرب لكم الدنيا".

حورية فرغلي.. كشفت الفنانة حورية فرغلي، عن تفاصيل  ذكرياتها مع خطيبها الذي تُوفي قبل يوم واحد من حفل الزفاف، مؤكدة أنه الرجل الوحيد التي أحبته، ورغم مرور 21 عاماً على رحيله، لم تقدر على الوقوع في حب رجل آخر، وقالت إنها تعرضت لصدمة بسبب انفصال والديها بعد 48 ساعة فقط من ولادتها.

حورية فرغلي.. أضافت حورية فرغلي في حوار مع الفنان تامر شلتوت لبرنامج «في العمق»: انا شُفت الحب مرة واحدة في حياتي سنة 2002، مع خطيبي اللي تُوفي، ومن بعده محبتش حد تاني رغم مرور 21 سنة، خطيبي اللي مات كان 175 كيلو، وكان عنده مشكلة في رجله الشمال، فكان يعاني من مشكلة خلال المشي، وكنا قد بعض في السن.

وتابعت حورية فرغلي: انا معنديش صحاب ومبخرجش خالص، وبحب الحيوانات جداً، كان عندي 13 كلب دلوقتي بقا 1، وعندي 8 أحصنة، مبخرجش مع الناس لأن محدش بيعزمني على حاجة، اتعودت اعيش لوحدي وبراحتي، بيتهئلي لو أتجوزت مش هستحمل حد ينام جمبي على السرير، كمان هيبقى في مشكلة، لأني بحب أمشي في شقتي براحتي وأجري مع الكلاب، مش شرط كل يوم ميكب وشعر ورموش، أنا باكل ضوافري أصلاً

حورية فرغلي..

وتحدثت حورية فرغلي عن أكبر صدمة أثرت في حياتها منذ الطفولة قائلة: طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي؛ لأني اتحرمت من الطفولة والمراهقة.

وتابعت: الدادة بتاعتي كانت أحن واحدة عليَّ، كانت فلبينية وقعدت معايا لحد ما بقى عندها 73 سنة وماتت، كنت بقولها يا تيتا، زوج ماما كان حنين عليَّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة

وواصلت حديثها قائلة: بسبب حجم الأذى وأزمات الطفولة، أنا قعدت 8 سنين مبتكلمش، ولا بنطق خالص، الدكتور قال لماما بنتك مبتتكلمش؛ لأنها محتاجة حب وحنان كتير