طليقة حسن شاكوش تفجر مفاجأة: لسه مخدتش حقوقي الشرعية.. والفيديو اللي نزل لعبة منه

حلت ريم طارق طليقة مؤدي المهرجانات حسن شاكوش ضيفة على برنامج 90 دقيقة، من تقديم الاعلامية بسمة وهبة ، وذلك بعد تصالحها مع طليقها واسترجاع كافة حقوقها .

وقالت ريم طارق: انا معرفش الفيديو اللي انتشر ده ازاي نزل وراح عند الناس ازاي.. والفيديو ده عملته لناس اتوسطوا علشان يخلصوا الموضوع وكان هينزل لما اخد حقوقي فعلا وينزل النهاردة مش الايام اللي فاتت دي .. لكن هو بيقول انا همي الفلوس انا لو بفكر كده مكنتش اديته الساعة الدهب .. وهو مادانيش حقوقي الشرعية ولعب لعبة كبيرة من يومين بالفيديو بتاعي 

وقالت طليقة حسن شاكوش: أنا مش مادية انا بطالب بحقوقي الشرعية واي واحدة بتفرط في حقها تبقى جاية من الشارع وكل اللي طلبته حاجتي الشخصية ".

وعن فيديو اعتذارها قالت: اللي حصل أني هاخد المؤخر والقايمة  والمؤخر ٣٠٠ الف والدهب بـ١٠٠ الف والقائمة ب ٢٠٠ الف جنيه وقولت مش عايزة نفقه انا عايزة اعيش في هدوء والمقابل أن شاكوش يديني حقوقي بعد الفيديو اللي عملته ويعتذر لأهلي