نيللي كريم عن خلافها مع صناع فيلم "ع الزيرو": محدش قلبه على الممثل
الخميس 07/سبتمبر/2023 - 10:35 م
كشفت النجمة نيللي كريم حقيقة وجود خلافات بينها وبين صناع فيلم "ع الزيرو"، كما تردد منذ إقامة العروض الخاصة للفيلم، التي غابت عنها.
وقالت نيللي كريم خلال لقائها مع الإعلامية فاطمة مصطفى ببرنامج "الراديو بيضحك" المذاع عبر الراديو 9090: "مفيش عندي تعليق غير إني كنت سعيدة بالشغل مع المخرج ماندو العدل ومحمد رمضان، لكن بالنسبالي كورق ودور اعتبريني ضيفة شرف في الفيلم".
وقالت نيللي كريم،" دايما شركات الإنتاج مفيش عندنا إدارة ممثل، محدش قلبه على الممثل إزاي يطلعه بأحسن شكل، وأعمل له أحسن حاجة، وكل منتج همه على المشروع ككل، ولو مخططتيش لنفسك عايزة تعملي إيه محدش هيعمللك ده".
وكشفت نيللي كريم خلال اللقاء عن تواجدها في موسم رمضان 2024 قائلة: "السنة دي إن شاء الله هعمل مسلسل كوميدي وحابة أفرح الناس. أنا تعبت من الدراما الثقيلة وتعبتني نفسيا وزهقت".
