أحمد سعد وطليقته علياء بسيوني في صدارة "الترند"
تصدر اسم الفنان أحمد سعد وطليقته علياء بسيوني مؤشر البحث علي موقع التغريدات، وذلك بعد إعلانهما الطلاق.
وكتبت طليقة احمد سعد: الحمدلله على كل شيء تم الطلاق بيني وبين أحمد من شوية بناءا على رغبته .. حابة اشكر أحمد على أصله الغير طيب ومعدنه السئ وحابه اشكره على قراري اللحظي الغير موفق
وقالت : بضحي وتبني في الأسرة دي لوحدها وهو مشغول في الساحل وخروجاته وأنها ضحت كتير اوي علشانه بس هو مقدرش ده وخد قرار الطلاق في ثانية .. وأنها رسالتها بجكلة ربنا ينتقم منك وربنا يقويني انا وبناتي
وقال أحمد سعد عن علياء بسيوني، مؤخرا، أنه حبها من أول نظرة وحكى في كلامه وقال: "كنت حريص على إني أعبر عن حبي بالتصرفات، وحبتها أول ما شفتها وهي مختلفة جدا عني وعن أسلوب حياتي في كل حاجة".
تابع أحمد سعد:"كنت فرحان بالخطوبة وقراية الفاتحة والشبكة وإننا ننزل نجيب العفش مع بعض، طول عمري ببص على الحاجات دي إن اللي بيعملها ناس قديمة، لكن اتضح لي إن أي حاجة لها علاقة بالعرف ليها أسباب، ومفيش أحلى منها".
و أضاف أحمد سعد :"بعد ما كنت شخص مهرجل بقيت أخاف إن حد يدوس بالجزمة على السجادة لأني تعبت فيها واشترتها وفرشتها وفضلت واقف بعيد عشان أشوف شكلها، وشاركت مع علياء في كل تفصيلة وبقيت أخاف أزعلها لأنها مكنتش رخيصة وغالية جدا في كل موقف بيننا، تفاصيل الحياة بيننا مكنتش مقلوبة وكانت زي ما بتحصل في أي حياة طبيعية".
