أحمد عبدالفتاح: الأهلي يحتاج إلى مهاجم أجنبي قبل انطلاق الموسم الجديد (خاص)

تحدث كابتن أحمد عبدالفتاح لاعب النادي الأهلي السابق، عن صفقات الفريق الأول لكرة القدم بالقلعة الحمراء، خلال فترة الانتقالات الصيفية الجارية، استعدادًا للموسم الجديد 2023-2024.

أحمد عبدالفتاح: الأهلي يحتاج إلى مهاجم أجنبي قبل انطلاق الموسم الجديد (خاص)

قال أحمد عبدالفتاح في تصريحات خاصة لـ "مصر تايمز" : "مفيش أزمة ولا حاجة، الأهلي حصل علي خمس بطولات خلال الموسم الماضي بدون تواجد مهاجم أجنبي داخل الفرقة".

وأضاف: "سجل لاعبي الأهلي عدد كبير من الأهداف الموسم اللي فات أبرزهم بيرسي تاو وكهربا والشحات، و مش لازم المهاجم بس اللي بيسجل أجوان ، في أوقات كتير الأجنحة بتبقي هي هدافي فرقها زي محمد صلاح مع ليفربول".

وتابع: "لكن بعد بيع محمد شريف لازم الأهلي يجيب مهاجم أجنبي، فالأزمة هتحصل في الفترة الجاية لكن الفترات اللي فاتت مكنش فيها أزمة، وكان الفريق يمر بشكل مميز للغاية، وبدليل الانجازات التي حققها النادي".

وأكمل: "بعد رحيل شريف الأهلي محتاج مهاجم أجنبي في أسرع وقت، لكن المشكلة في سعر الدولار والأسعارالاعبين العالية جدا، فأي مهاجم أفريقي كويس هيجي الأهلي الفترة دي لا يقل سعره عن ٤ مليون دولار، وده بالنسبة للدوري المصري ده رقم كبير جدا".

وختم حديثه قائلا: "المسؤولين في النادي بيدورا حالياً علي كذا مهاجم، والإدارة مش بتبخل علي الفرقة بحاجة، وإن شاء الله قبل قفل القيد الأهلي هيتعاقد مع مهاجم علي أعلي مستوي".