أول تعليق من هيثم عرابي على اختفاء عقد إمام عاشور
علق هيثم عرابي، مدير التعاقدات بالنادي الأهلي السابق، على اختفاء عقد أمام عاشور لاعب الأهلي الحالي وميتلايند الدنماركي السابق، من خزائن نادي الزمالك خلال الساعات القليلة الماضية.
وقال هيثم عرابي عبر حسابة الشخصي بموقع التواصل الاجتماعي فيسبوك: "لو فعلًا تم اختفاء عقد بيع إمام عاشور لميتلاند من الزمالك و ان الفلوس لم تدخل خزينة النادي زي ما بيتقال فاللجنة الثلاثية الموجودة حالياً كل اللي محتاجة تعمله انها تجيب الاداري اللي ماسك السيستم بتاع الزمالك وفي حالة ان الراجل دا مش موجود او مشي او مش عارفين يستلمو السيستم منه".
أول تعليق من هيثم عرابي على اختفاء عقد إمام عاشور
واضاف: "يخاطبو الفيفا رسمي بتغيير اسم المستخدم وكلمة السر ويدخلو على السيستم وكل اسئلتهم حيلاقو الاجابات عليها في المستندات المرفوعة على السيستم، اولآ:- إمام عاشور انتقال دولي يعني اوراق الانتقال تم رفعها على TMS وبيانات الانتقال بالتفصيل ومقابل الانتقال وطريقة ومواعيد السداد بتكون موجودة ومعاهم العقد الموقع".
وتابع: " النقطة الثانية من أول السنة دي الاتحاد الدولي استحدث منظومة اسمها FIFA CLearing House ودي دورها مراقبة التعاملات بين الاندية لضمان شفافية المعاملات المالية من خلال الزم الاندية الشارية في الحالة دي ( ميتلاند ) انه يبعت اثبات انه بعت الفلوس برقم الحساب الباعت منه لرقم الحساب للمتلقي ( الزمالك) كل دا موجود على السيستم".
واردف: " الحل بسيط ياجماعة ومسؤول ال TMS في نادي الزمالك ينزل المستندات من على السيستم و حيكون متسجل فيه رقم حساب اللي تم التحويل ليه".
