طارق سليمان: لم اقتنع بسياسة التدوير.. وانتقال علي لطفي لـ زد أفضل من تواجده بالأهلي (خاص)
تحدث طارق سليمان، مدرب حراس النادي الأهلي السابق، عن إنتقال علي لطفي إلي نادي زد في الميركاتو الحالي، وحظوظ مصطفي شوبير في حراسة مرمي الأهلي الفترة المقبلة.
طارق سليمان: لم اقتنع بسياسة التدوير.. وانتقال علي لطفي لـ زد أفضل من تواجده بالأهلي (خاص)
قال الكابتن طارق سليمان في تصريحات خاصة لـ"مصر تايمز: "علي لطفي إضافة لنادي زد، فهو حارس موهوب عنده خبرات كبيرة سواء خلال فترته مع أنبي او فترته مع الأهلي اللي ساعدته علي إكتساب خبرات كبيرة حتي لو عدد ماتشات قليل".
وأضاف: "إنتقال علي هيبقي إضافة لنادي زد وفي نفس الوقت هيشارك اكتر مقارنة بفترته مع الأهلي، ومع الوقت علي ممكن يكون موجود في منتخب مصر لو شارك بنسبه كبيرة وقدم مستوياته المعرفة عنه".
وعند سؤاله عن حظوظ مصطفي شوبير في حراسة مرمي الأهلي الفترة المقبلة، قال: "مشاركة مصطفي هتبقي مرتبطة بحالة الشناوي، لا قدرالله الشناوي لو اتصاب او اتوقف، في الوقت ده مصطفي هيشارك".
وأضاف: "بس مصطفي دلوقتي بقي أقرب من الأول، مصطفي دلوقتي الحارس التاني غير لما يبقي الحارس التالت، ف مصطفي ممكن يشارك بصورة أكتر من الموسم اللي فات".
وعلق علي فكرة المداورة بين حراس الأهلي طوال الموسم: "أنا مش مقتنع بنظام المداورة، شوف الدوريات الكبيرة في أوروبا والفرق الأوروبي الكبري بتعتمد علي حارس أساسي أغلب فترات الموسم".
وتابع: "مفيش فريق الحارس الأول والثاني فيها نفس المستوي، وإما بتحصل فيه حارس فيهم بيمشي علشان ياخد فرص أكتر في المشاركة".
ومن ناحية أخرى أعلن نادي زد ضم شادي حسين لاعب النادي الأهلي لمدة ثلاثة مواسم، استعدادًا لانطلاق الموسم الجديد، بعد تأهل الفريق للمشاركة في الدوري المصري الممتاز.
ونشر نادي زد على صفحته الرسمية عبر موقع التواصل الاجتماعي "فيس بوك"، مقطع فيديو لانضمام مهاجم الأهلي شادي حسين لتدعيم صفوف الفريق بداية من الموسم الجديد.
وعلق نادي زد على فيديو انضمام شادي حسين: "هداف، قناص، لا يخطئ الشباك، شادي حسين مستعد لتسجيل الأهداف بقميص زد في الموسم المقبل".
وكان نادي زد تعاقد مع عدد من لاعبي الأهلي خلال الفترة الحالية، على رأسهم شادي حسين والحارس علي لطفي، لتدعيم صفوف الفريق.
