حمو بيكا: " ماشترتش عربية مرسيدس .. أنا كنت بتصور جنبها بس"
الجمعة 18/ديسمبر/2020 - 11:10 م
أنتقد المطرب الشعبي حمو بيكا رواد مواقع التواصل الاجتماعي بعد شن هجوم عليه بسبب صورته مع أحد أصحاب معارض السيارات وخلفه سيارة "مرسيدس".
وظهر حمو بيكا في لايف على صفحته الشخصية على موقع التواصل الاجتماعي " فيس بوك"، وقال: " أنا كنت قاعد مع صاحب المعرض الحج عادل جودة في المكتب عنده وبعدين نزلنا تحت قولته تعال أتصور معاك يا حاج على العربية المرسيدس دي".
وتابع بيكا: " ويارب أنا أشتريها ولكن أنا لم أشتري العربية، وهي في المعرض حتي الأن، زي ما كانت الإشاعات تتردد، إني اشتريت عربية بـ 6 مليون جنية، لكن أنا معيش ولا 6 مليون ولاحتي مليون واحد".
واستطرد: " وأنا معايا العربية بتاعتي الرنج روفر، اللي اشتريتها من إحدي المعرض في المهندسين، والعربية دي بدفع أقساطها حتي الأن، ازاي بقا هروح أشتري عربية مرسيدس، وأنا مسامح كل اللي شتم فيا واتريق عليا، وانتوا اللي عملتوا حمو بيكا من مافيش.
