سليمان عيد عن سيطرة الكوميديا على أفلام السينما:" الناس عايزة تنبسط" (خاص)
علق الفنان سليمان عيد، عن أفلام موسم الصيف 2023، التي تضم العديد من الأفلام الكوميديا في دور العرض السينمائي.
سليمان عيد عن سيطرة الكوميديا على أفلام السينما:" الناس عايزة تنبسط" (خاص)
وقال سليمان عيد خلال تنصريحاته الخاصة لـ مصر تايمز:" الناس بتبقي عايزة تضحك، الجمهور بيحتاج إلى عمل يسعده من ضغط الشغل، لان كل المسلسلات أغلبها دراما، واتمنى للكل المشاركين الخيرلأن السينما كل ما هتنجح هننجح كلنا".
وأشار سليمان عيد عن إيرادات افلام موسم الصيف:" الإيرادات كويسة لحد لأن، ده معني أن الجمهور بتنزل لسه السينمات وتشوف الأعمال، وحاليا السينما بتاخذ مكان المسرح لأنه دلوقتي بقت العروض قليلة جدا، والسينما تعد خروجة للأسرة".
ومن جانب أخر، تحدث الفنان سليمان عيد، عن رأيه في المشاركة مجانا في بعض الأعمال الفنية، موضحًا: "أكثر جملة سمعتها من ساعة ما مثلت، إحنا لسه بادئين واقف جنبنا، وهم نفسهم بعدها بسنة بيقولوا إحنا لسه بادئين برضه".
وأضاف عيد خلال، حواره مع الإعلامية قصواء الخلالي، مقدمة برنامج "في المساء مع قصواء"، على قناة cbc: "دائما ما أصدق هذا الكلام، بيتضحك عليّ بسهولة جدا، واحد مرة قالي مش هديك أجر، مش انت بتحب السينما، فقلت له ولادي مش هياكلوا سينما، لازم أجر عشان أدخل البيت".
وحول تعامله مع أبنائه ودوره في تربيتهم، قال: "أنا أب مثالي جدا، في تربيتي لأولادي، بعمل الحاجة وهم بيشوفوني بعملها فيعملوا زيي، هذه أفضل طريقة للتربية، لا أنصح ابني بشيء لا أفعله، ابني يعمل في الوسط الفني، والناس يتصلون بي ويشكروني على تربيته".
وعن عدم مشاركته في السباق الرمضاني هذا العام، قال: "لن أشارك، عشان اتعرض عليّ حاجات محبتهاش، عاوز أشتغل في حاجات أنا بحبها وأستمتع بها، اعتذرت عن مسلسلين، ولكني سأشارك في أكثر من فيلم خلال الفترة المقبلة، منهم فيلم مع أحمد آدم وغادة عبدالرازق وبيومي فؤاد اسمه البقاء للأصيع، وفيلم أخر مع علي ربيع اسمه بعد الشر، والجزء الثاني من مسلسل البيت بيتي، وشاركت في مسلسل نصي التاني مع علي ربيع وهو كوميدي اجتماعي من 10 حلقات".
