تأجيل محاكمة مرتضى منصور في قضية سب الخطيب لجلسة 13 أغسطس
قضت محكمة القاهرة الاقتصادية اليوم الأحد تأجيل محاكمة مرتضى منصور، رئيس نادي الزمالك السابق، في القضية رقم 1443 لسنة 2023 جنح اقتصادية القاهرة؛ بتهمة سب محمود الخطيب رئيس النادي الأهلي لجلسة 13 أغسطس للاطلاع.
تأجيل محاكمة مرتضى منصور في قضية سب الخطيب لجلسة 13 أغسطس
وكان محمد عثمان المستشار القانوني للنادي الأهلي، قد تقدم بشكوى ضد مرتضى منصور للنائب العام؛ بتهمة سب وقذف الكابتن محمود الخطيب رئيس مجلس إدارة النادي الأهلي وإساءة استخدام وسائل التواصل والإزعاج، وهي جرائم معاقب عليها بالحبس الوجوبي والغرامة بحسب مواد الاتهام التي أحالت بها النيابة العامة المتهم للمحاكمة.
أول تعليق من مرتضى منصور بشأن واقعة الاعتداء على عضو الزمالك
كشف مرتضى منصور رئيس نادي الزمالك "المعزول" حقيقة الفيديو المتداول بشأن واقعة الإعتداء على أحد أعضاء النادي.
وقال مرتضى منصور، في تصريحات عبر قناة الزمالك: "عاوزين إيه من نادي الزمالك ومن مرتضى منصور، الزمالك فرحان جدًا، كسب 4 في أول مباراة له في البطولة وأصبح أول المجموعة في بطولة صعبة".
وأضاف مرتضى منصور: "الفرحة دي لازم يبقى وراها مصيبة، ازاي تفرح، المصيبة دي النادي المنافس بيعملها والسوشيال ميديا الزملكاوي بيشيرها، أنا لقيت رسالة جايالي الصبح واحده بعتالي رسالة على حادثة فرد الأمن انتي صفتك ايه؟، سألت وقالولي أن تلك الواقعة من سنتين، أنا مش فاكر كنت موجود رئيس نادي ولا لأ، بس اللي أنا فاكره لو أنا كنت رئيس نادي (بقطع رقبة الأمن) وده بيحصل كل يوم أي فرد أمن يتجاوز، يتم فصله".
وتابع مرتضى منصور: "العضو صاحب الواقعة جاء لي وأكد لي أن تلك الواقعة كانت من سنتين، أنا لسة شايف الفيديو ومشوفتش الواقعة وقتها ومعتقدش أنا كنت موجود لأن ده شغل بلطجة، الفيديو ده من سنتين بيتشير النهاردة ليه؟ عشان الزمالك طلع من البدروم وبقى في السما، انتوا عاوزين ايه من نادي الزمالك، كل الأندية بيحسب فيها خناقات، في مجازر في الأهلي روحوا شوفوها".
وهاجم مرتضى منصور رئيس الزمالك الصادر في حقه حكم بالعزل الإعلامي السابق بقناة الزمالك ومحلل قنوات SSC الحالي أحمد عفيفي ، وذلك بعد فوز الزمالك على الاتحاد المنستيري بالبطولة العربية.
وقال مرتضى منصور في تصريحات تلفزيونية عبر قناة الزمالك: "بقول لأحمد عفيفي انت هتطق ليه إنت ملكش علاقه بالزمالك ، إنت مشيت او اتطردت من القناه ومبتقولش كلمه حلوه على الزمالك بقول للاتحاد العربي ده كان قاعد هيتطق".
وواصل: "أنا بقول للاتحاد العربي ياريت بلاش أحمد عفيفي تاني في ماتشات الزمالك وبعدين إحنا عندنا فالسعودية خالد الغندور وطارق يحيى كل دول موجودين هناك دلوقت عادي، إحنا عدينا خطوه ولسه فاضل خطوتين وأنا عندي إحساس إننا هنوصل للمباراة النهائية".
مرتضى منصور عن انسحاب الأهلي من كأس النخبة: "مع السلامة والقلب داعيلك"
تحدث مرتضى منصور رئيس نادي الزمالك "المعزول" عن الفوز العريض الذي حققه الفريق الكروي الأول بنادي الزمالك على الاتحاد المنستيري التونسي برباعية نظيفة في المباراة التي جمعتهما ضمن منافسات الجولة الأولى لدور المجموعات في البطولة العربية.
وقال مرتضى منصور في تصريحات لقناة "العربية" الإخبارية، "سمعت أن الأهلي عايز ينسحب من بطولة كأس النخبة وأنا بقوله مع السلامة والقلب داعيلك، بعدين المسمى مش سوبر خالص، اللي عايز يقعد يقعد، واللي عايز يجيب بحة يجيب، واللي عايز يغيره يغيره".
وأضاف مرتضى منصور، "بحة لما ساب الأهلي الفريق بدأ يقع، لما كشفنا بحة الأهلي اتعادل مع حرس الحدود اللي في الدرجة الثانية وخسر بالرأفة من بيراميدز واتعادل مع المصري في أسوأ حالته.. واحنا بلاعيبتنا بس شوفتوا عملنا ايه، الأهلي عايز يتعاقد مع بحة جديد عشان القديم خلاص انكشف".
وتابع مرتضى منصور، "بحة دا حقيقي والدليل إنه بعد ما انكشف الأهلي معرفش يكسب ماتش، دا لعب حرس حدود درجة تانية، وبيراميدز غلبه 3 مع الرأفة، والمصري اللي لسة مغلوب من سيراميكا 4 مش عارف يكسبه، في الوقت بقى اللي الزمالك الحمد لله بلاعيبته مفيش حد اتغير فاز على الاتحاد المنستيري برباعية نظيفة، ربنا يبعد عننا بحة".
