منى فاروق: عاوزة أبقى كويسة زي أي واحدة وربنا بيسامح.. وعاوزة أشتغل

علقت الفنانة منى فاروق، على قرار اعتزالها الفن والسوشيال ميديا، مشيرة إلى أنها لا تريد الترند.

بعد اعتزالها الفن..منى فاروق: محتاجة اشتغل عشان أعيش زي أي بني آدمة

وكتبت منى فاروق، عبر حسابها الشخص على موقع تبادل الصور والفيديوهات "إنستجرام" خلال خاصية استوري:" الكلام اللي بقوله دا خارج خالص عن فكرة أني أخد التريند، واعمل زي أي حد.. أنا قولت اعتزلت الفن لسبب واحد.. دا مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية".

وتابعت:" أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي".

واضافت:" عشان كدا أنا بناشد دكتور أشرف زكي، الأستاذ أشرف عبد الباقي، شركات الإنتاج، محتاجة شغل، عاوزة أعرف أعيش، ولما قولت قرار اعتزل من أجل لو حد شافني بشتغل في محل لبس أو أي شغل ميقولش ايه دا، مش طالبة غير اشتغل أبوس ايديكم عاوزة اشتغل".

صدمت الفنانة منى فاروق، جمهورها ومحبيها، بمنشور عبر حسابها على موقع التواصل الاجتماعى إنستجرام تعلن فيه اعتزال السوشيال ميديا والفن نهائيا.

وقالت منى فاروق : تعبت وأشعر بعدم التقدير لشخصي ولموهبتي.. ولم اعتد البقاء في مكان ومع أشخاص لا تقدرني تعبت، لذلك اعتزل.

وأضافت منى فاروق : إجازة مفتوحة من السوشيال ميديا، مش هكون موجودة مش عاوزة حاجة من حد ولا حد يعوز مني حاجة، واللي زمان أنا عيشته لغيري أنا دلوقتي هاعيشه، لنفسي محتاجة أكون نفسي محتاجه سلام نفسي اللي بيحبوني شكرًا، وكتر خیرکم، واللي ما بيحبونيش شيلوني من حساباتكم لحد ما أقدر أواجه الحياة الظالمة دي تاني.

وسجلت منى فاروق، آخر أعمالها من خلال الدراما، حيث شاركت فى مسلسل "الأيام" الذى عرض فى عام 2021.

مسلسل "الأيام"، تدور أحداثه في إطار درامي، حيث يتناول قصة عبير التي تعيش في بيت عمها رياض أبو الدهب وفي رعايته بعد أن أصبحت يتيمة، لكن زوجة رياض تحاول جاهدة إبعاد عبير عن بيت عمها طمعا في اﻻستيلاء على ثروته.

مسلسل "الأيام"، بطولة الفنان رياض الخولى، شرين عادل، حمدى السيد، حورية فرغلى، أحمد صفوت، سلوى خطاب، رشدى الشام، محمد عادل، محمود حجازى، منى فاروق، حجاج عبدالعظيم، تأليف سماح الحريرى، إخراج محمد أسامة.