تقسيمة قوية بين لاعبي الزمالك استعدادًا للبطولة العربية

خاض لاعبو الفريق الأول لكرة القدم بنادي الزمالك تقسيمة فنية قوية في ختام  التدريبات الجماعية للأبيض التي أقيمت اليوم الأحد على ملعب عبد اللطيف أبو رجيلة بمقر القلعة البيضاء.

تقسيمة قوية بين لاعبي الزمالك استعدادًا للبطولة العربية

وشهدت التقسيمة تنفيذ بعض الجمل الفنية على مستوى الهجوم والدفاع، بجانب التركيز على بدء الهجمة من الخلف والضغط على المنافس.

وتطير بعثة فريق الزمالك إلى المملكة العربية السعودية اليوم الأحد من أجل المشاركة في منافسات البطولة العربية المقرر انطلاقها يوم 27 يوليو الجاري .

ويبدأ الزمالك مشواره بالبطولة العربية بمواجهة الاتحاد المنستيري التونسي يوم الجمعة 28 يوليو ثم الشباب السعودي يوم الإثنين 31 من الشهر ذاته ثم النصر يوم 3 أغسطس.

"فاكر لما قالك هعلقك في الاستوديو".. عمرو أديب يهاجم ميدو بسبب مرتضى منصور
 

أبدى الإعلامي عمرو أديب اندهاشه الشديد من تصريحات أحمد حسام ميدو، نجم نادي الزمالك الأسبق، والتي تناول فيها هجوم عمرو أديب على  مرتضى منصور، رئيس نادي الزمالك "المعزول"، بسبب وجود مشكلة بينهما.

وقال عمرو أديب في تصريحات تلفزيونية، "ميدو اللي بيدافع عن مرتضى منصور ده وطلع من كام يوم بيقولي أصل انت عندك مشكلة مع مرتضى .. أنا مشكلتي مع مرتضى منصور ابتدت بسببك، لما قالك أنا هعلقك من رجلك في الاستديو لو طلعت مع عمرو أديب، وقالي انا هقفل المحطة لو طلعت ميدو معاك في الحلقة، وطبعًا لا هو ولا اللي يتشددله يقدر يقفل القناة، ويومها أنا خدت المسئولية على نفسي وقولت لا ميدو هيطلع معايا وهيتكلم .. طيب فاكر يا ميدو يومها مرتضى منصور قال عليك ايه ؟ فاكر قال بيتعمل فيك ايه يا ميدو؟ طب فاكر بعدها لما كلمتني وقولتلي يا عمرو أنا هتصالح مع مرتضى منصور، عشان كل شوية بيشتمني، وأنا مش عايز حد يشتمني".

وأعرب عمرو أديب عن استنكاره من حديث مرتضى منصور رئيس نادي الزمالك "المعزول" عن اللاعب إمام عاشور، مختتمًا: "إيه الهبوط والتدني ده؟ ربك دلوقتي يمهل ولا يهمل، كل يوم ربنا بيوريه آية من آياته، كل يوم قضية وبلاغات شكل.. أنا عارف عقدته كان نفسه يبقى مذيع، اسألوه فين حزب الإخلاص؟".