أوسوريو يمنح تعليمات خاصة لـ"أوباما" استعدادًا للبطولة العربية
منح الكولومبي خوان كارلوس أوسوريو المدير الفني للفريق الأول لكرة القدم بنادي الزمالك، مجموعة من التعليمات الفردية ليوسف إبراهيم " أوباما" لاعب الأبيض على هامش التدريبات الجماعية للأبيض التي أقيمت صباح اليوم الأحد على ملعب عبد اللطيف أبو رجيلة بمقر القلعة البيضاء.
وعقد المدير الفني جلسة سريعة مع يوسف أوباما، على هامش المران، شهدت منحه بعض التعليمات الفنية لتنفيذها خلال التدريبات الجماعية للفريق.
أوسوريو يمنح تعليمات خاصة لـ"أوباما" استعدادًا للبطولة العربية
وتطير بعثة فريق الزمالك إلى المملكة العربية السعودية اليوم الأحد من أجل المشاركة في منافسات البطولة العربية المقرر انطلاقها يوم 27 يوليو الجاري.
ويبدأ الزمالك مشواره بالبطولة العربية بمواجهة الاتحاد المنستيري التونسي يوم الجمعة 28 يوليو ثم الشباب السعودي يوم الإثنين 31 من الشهر ذاته ثم النصر يوم 3 أغسطس.
"شكلنا بقى وحش ومحدش عايز يتحرك".. عمرو أديب يفتح النار على مرتضى منصور
شن الإعلامي عمرو أديب، هجومًا على مرتضى منصور، رئيس نادي الزمالك "المعزول" بسبب تصريحاته عن السحر والشعوذة وعن اللاعب إمام عاشور، والمنضم إلى صفوف النادي الأهلي مؤخرًا.
وقال عمرو أديب في تصريحات عبر برنامجه "الحكاية"، "هو مفيش حد في البلد دي قادر على مرتضى منصور.. مفيش حد يقوله عيب اللي بتقوله داخل نادي الزمالك، رايح جايبلى واحد يفك السحر بتاع بحه والله عيب".
وأضاف عمرو أديب، "مرتضى منصور جاب سيرة واحدة بالاسم إن إمام عاشور على علاقة بها، إيه التدني ده! ده نادي كرة تربوي؟ والأهم هو قاعد مع اللاعيبة ليه، اشرحوا لي قاعد معاهم بصفته إيه؟ هو بيشتغل إيه؟".
وتابع عمرو أديب، "هو مش في قضاء ولا دوره يقضي علينا ولا يمتثل للقضاء.. قاعد في الاجتماع يحدد من رئيس البعثة، ويقول أحمد ابني هيروح وأمير ابني متضايق، عقد الاجتماع بصفته إيه؟؟، عاوزين البلد دي فيها قانون ولا فيها مرتضى؟ هل الكلام اللي بيتقال ومتذاع ينفع أو شيء مقبول، هو مفيش حد في البلد دي قادر يكلمه أو يقول له التزم الأدب أنت جوا نادي الزمالك، شكلنا بقا وحش قدام الناس".
واصل الإعلامي عمرو أديب تصريحاته قائلاً، "محدش في البلد دي حاسس بحجم المصيبة! أنا بس اللي مجنون؟؟، مرتضى منصور كان نفسه يبقي مذيع وماسك الحديدة مش سايبها".
واستكمل عمرو أديب تصريحاته ضد مرتضى منصور قائلاً، القضاء عزل مرتضى منصور مرتين في حكمين مختلفين، متسائلا: بأي صفة يجلس مرتضى منصور مع اللاعبين"، مصيفا:"عاوزين البلد فيها قانون ولا عاوزين فيها مرتضى منصور، اسالوا مرتضى منصور فين حزب الإخلاص بتاع الكبدة؟".
"فاكر لما قالك هعلقك في الاستوديو".. عمرو أديب يهاجم ميدو بسبب مرتضى منصور
أبدى الإعلامي عمرو أديب اندهاشه الشديد من تصريحات أحمد حسام ميدو، نجم نادي الزمالك الأسبق، والتي تناول فيها هجوم عمرو أديب على مرتضى منصور، رئيس نادي الزمالك "المعزول"، بسبب وجود مشكلة بينهما.
وقال عمرو أديب في تصريحات تلفزيونية، "ميدو اللي بيدافع عن مرتضى منصور ده وطلع من كام يوم بيقولي أصل انت عندك مشكلة مع مرتضى .. أنا مشكلتي مع مرتضى منصور ابتدت بسببك، لما قالك أنا هعلقك من رجلك في الاستديو لو طلعت مع عمرو أديب، وقالي انا هقفل المحطة لو طلعت ميدو معاك في الحلقة، وطبعًا لا هو ولا اللي يتشددله يقدر يقفل القناة، ويومها أنا خدت المسئولية على نفسي وقولت لا ميدو هيطلع معايا وهيتكلم .. طيب فاكر يا ميدو يومها مرتضى منصور قال عليك ايه ؟ فاكر قال بيتعمل فيك ايه يا ميدو؟ طب فاكر بعدها لما كلمتني وقولتلي يا عمرو أنا هتصالح مع مرتضى منصور، عشان كل شوية بيشتمني، وأنا مش عايز حد يشتمني".
وأعرب عمرو أديب عن استنكاره من حديث مرتضى منصور رئيس نادي الزمالك "المعزول" عن اللاعب إمام عاشور، مختتمًا: "إيه الهبوط والتدني ده؟ ربك دلوقتي يمهل ولا يهمل، كل يوم ربنا بيوريه آية من آياته، كل يوم قضية وبلاغات شكل.. أنا عارف عقدته كان نفسه يبقى مذيع، اسألوه فين حزب الإخلاص؟".
