سيدة بدعوى خلع:"حبسني عشان مروحش دفنة جدتي اللى ربيتني" (خاص)

أقامت سيدة تدعي "مروة" دعوي خلع ضد زوجها أمام محكمة الأسرة بالتجمع الخامس، مطالبة فيها بالتفريق بينها وبين زوجها لاستحالة المعيشة؛ وذلك لقيامه بحبسها داخل المنزل والتحفظ على هاتفها المحمول.

وقالت "مروة" البالغة من العمر 28 سنة، في الدعوي التي تحمل رقم 1782 لسنة 2022، إن زوجي أخلاقه طيبة وهذا ماكان يظهر ببداية العلاقة وحتي الخطوبة ولكن بعد عقد القران وخلال التجهيز لعش الزوجية اكتشفت أنني لا أعرفه تماما وظهرت عصبيته وعجرفته على أبسط الأشياء ولكن كنت أظن هذا من ضغط الترتيب لعش الزوجية.

وأوضحت:"أنا كنت فاكرة عصبيته الزايدة دي بسبب أننا بنفرش شقتنا ومضغوطين ولكن من أول يوم جواز واهلي جولي البيت يباركولنا وصحابنا كان بيتعامل بسخافة ولما بيمشوا بيفرح أوى ومكنش بيحب حد يجيلنا البيت".

وتابعت:"مع الوقت بدأ يقنعني انه لا ممسكش الفون وشوية شوية خد الموبايل مني اصلا وقطع اتصالاتي بأهلى وقالهم لو عايزينها كلموها على موبايلي.. كل دا م فاهمة ليه ولكن أنا جدتي هي اللي ربتني بعد ما والدتي اتوفت وانا لسه في ابتدائي وجدتي اتوفت وكنت عايزة اروح دفنتها وكنت بموت ومنهارة لما عرفت الخبر وهو منعني أروح.. فتوجهت إلى محكمة الأسرة لرفع دعوى خلع ضده" .

واختتمت الزوجة في دعواها:"الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".