محمود عامر: دلوقت أم سيد الدلالة بيجيبوها تمثل عشان بقت بلوجر
كشف الفنان محمود عامر تفاصيل تقاضي الكاستينج دايركتور نسبة من الفنانين مقابل حصولهم على أدوار:' الكاستينج دايركتور البعض منهم بياخد نفسه من فلوس الممثل لان هو فتح مكتب في غاز وكهرباء وضرايب فبيجيبك ولو جالك دور من خلاله، بياخد نسبه في ناس بتاخد ١٠ وناس بتاخد ٢٠ وناس بتاخد ٣٥ فأنتي هتحمي المهنة دي ازاي ؟
أضاف عامر خلال حواره مع الإعلاميه انجي هشام في برنامج المنسي عبر قناة هي:' دلوقتي أم سيد الدلالة مع احترامي المهنه بيجيبوهالك تمثل علشان بقت بلوجر أو انفلونسر أو المسميات الجديدة اللي بيقولوها دي، دلوقت المهنه مبقتيش تعرفي تقولي تلت التلاتة كام أو مبقاش مصدر واحد هو اللي بيراعي الحكاية لا احنا داخلين حارة سد.
وكشف عامر عن سبب قلة الفرص :' سببها أن محدش فاضي، وإن حضرتك بتاخدي المسلسل مبتدخليش بالحلقات كاملة، بتخشي ٥ او٦ حلقات علشان تلحقي رمضان أو اوف سيزون، والمخرج برضو معذور معندوش كل الشخصيات الموجودين هو بيقعد مع الورشة أو المؤلف بيقولولوا محمود هيبقي كذا انجي هتبقي كذا لكن هو لسه متكتبش بس بيكون عنده خط سير وفي السكه بيطلع علي وعباس وسعدية مش معروفين طب هنجيب مين.
