بسنت السبقي: محمد سامي رشحني لدور مسلسل آدم ونسل الأغراب.. قالي عندك قدرات داخلية
قالت الفنانة بسنت السبقي تفاصيل تجربتها في العمل مع المخرج محمد سامي والتي تجمعهم علاقة صداقة قوية.
وقالت بسنت السبقي: رشحنى للدور فى مسلسل آدم استاذ محمد سامى ومكنتش عارفة ان هيطلع منى إللى استاذ محمد قدر يطلعه فى شخصيتى فى المسلسل مكنتش اعرف أنى هبقى مستفزة بالشكل دة وكان تحدى أنى اقدر اقدم الشخصية دى فى اول دور فى حياتى ولكن استاذ محمد وثق فيا وقال هتطلع زي ما انا شايف واحسن كمان".
استكملت: كررت تجربة العمل مع محمد سامى فى فيلم "اهواك" و مسلسل "نسل الاغراب" قدمت دور مختلف صعيدى فى نسل الاغراب محمد سامى قالى عايز أورى الناس إن عندك حاجات مختلفة مش البنت الأمورة اللي شكلها حلو عندك قدرات داخلية مختلفة اللهجة الصعيدى كانت صعبة عليا اوي.
كما أوضحت أزمة دورها في مسلسل عملة نادرة في موسم رمضان 2023: "مسلسل عملة نادرة صورنا مشاهد كتير وجينا قبل رمضان قبل العرض بحوالي ٤ ايام معرفناش نقفل العرض الدرامى فكانت مشكلة كبيرة اوي أن الدور مبقاش مفهوم".
