سوسن بدر: الست اللي متشتغلش عشان تربي عيالها بتحقق ذاتها أكتر من أنها تنجح في شغل
قالت الفنانة سوسن بدر أنها إذا لم تكن ممثلة ستكون ربة منزل، قائلة: "أنا من أنصار تعليم المرأة لكن في نفس الوقت بشوف أن الست لو قادرة أنها تتعلم كويس جدا لكن متشتغلش عشان تربي عيالها هي كده بتحقق ذاتها أكتر من أنها تنجح في شغل".
وقالت سوسن بدر خلال لقائها في برنامج "أسرار النجوم" من تقديم إنجي علي عبر إذاعة وقناة "نجوم FM": " الست تبقى دكتورة ناجحة،و في 10 مليون دكتورة ناجحة، لكن أن تطلعي جيل متعلم ومتربي وعيالك شبعانين من حضنك وتربيتك وأخلاقك لو قادرة الست تستغنى عن شغلها وتعيش أم واعية ومتعلمة ومثقفة دا أهم".
وتابعت: " هيقولوا عليا رجعية ومتخلفة دا رأيي، أنا بقول اللي قادرة أنها متشتغلش عشان تراعي بيتها وعيالها، دي حاجة مهمة".
وخلال لقائها في برنامج "أسرار النجوم" من تقديم إنجي علي عبر قناة وإذاعة "نجوم FM" قالت سوسن بدر إنها أعجبت بدورها في مسلسل "جميلة" لكنها كانت ترى أنها شخصية صعبة، وكانت خائفة من أن يكرهها الجمهور.
مشيرة إلى أنها عندما تبدأ تصوير أي عمل تخاف كثيرا قائلة: "بخاف مع كل عمل جديد وبخاف قبل أي مشهد وبعد كل مشهد أنا مش عارفة هل هعمل الدور كويس زي ما المؤلف والمخرج شايفين الشخصية هل هعرف أوصل فكرة العمل لو حد فينا أخل أنه يوصل الفكرة الصح يوصل فكرة غلط".
تدور أحداث مسلسل"جميلة" في إطار درامي اجتماعي يناقش فكرة عقول الأبناء والأبناء، ويشارك في بطولة المسلسل عدد من نجوم الفن أبرزهم الفنانة ريهام حجاج، عبير صبرى، سوين بدر، يسرا اللوزى وعبير صبرى، أحمد وفيق، هانى عادل، هشام إسماعيل، نبيل عيسى، ياسر على ماهر، عبير منير، رحمة حسن، ريم سامى، رحاب حسين، والعمل من تأليف أيمن سلامة وإخراج سامح عبد العزيز وإنتاج شركة العدل جروب للمنتج جمال العدل.
