مروة صبري لـ حلا شيحة: السوشيال ميديا دلوقت بتطلع الفنان وبتنزله برضو.. أرجوكي خدي قرار

علقت الإعلامية مروة صبري، على قرار عودة الفنانة حلا شيحة للفن مرة أخرى بعد إعلان اعتزالها وسفرها إلى الخارج مع زوجها وأولادها.

ووجهت مروة صبري خلال برنامجها “قعدة ستات”، المذع على شاشة “القاهرة اليوم”: حلا في ناس لسه بتثق فيكي.. أطلعي وأعملي استفتاء للجمهور اللي بيحبك وأداكي شهرة.. الجهات المسئولة عن الإنتاج والإخراج والأسرة الفنية، ولكن الجمهور له حق عليكي، عشان يرجع يتفرج عليكي تاني، عشان يرجع يشجعك ويأيدك تاني.

واستكملت مروة صبري: زي ما أنتي شايفه عندنا السوشيال ميديا بعيدا عن اللجان الإلكترونية والحاجات المدفوعة، انتي عارفه أن السوشيال ميديا دلوقتي ببوست بتطلع الفنان وببوست بقت تنزل حد، وأنتي كان عندك نعمة كبيرة أوي وهي نعمة حب الناس والجمهور ليكي.. ولكن رايحة وراجعة وحلا شيحه رايح جاي مش حلو.

واختتمت مروة صبري حديثها: أرجوكي خدي قرار.. وخدي قرار نهائي، لأن الفن زي ما بتقولك الناقدة ماجدة خير الله رسالة مهمة جدا مينفعش أننا نلعب بيها.

برنامج “قعدة ستات” تقدمه الإعلامية مروة صبري على شاشة “القاهرة اليوم”، يوم السبت من كل أسبوع وتستضيف خلاله عددًا من نجوم الفن.
https://www.facebook.com/reel/781141703475971