إيهاب صالح مدير إعمال كارمن سيلمان بعد ترك شيرين عبد الوهاب بساعات

تولي إيهاب صالح، إدارة  أعمال الفنانة الشابة كارمن سليمان، وذلك بعد ساعات من إعلانه عن مغادرة موقعه كمدير أعمال النجمة شيرين عبد الوهاب.

ونشر إيهاب صالح، صورة تجمعه بـ كارمن سيلمان وزوجها عبر حسابه الرسمي في موقع التدوينات القصيرة “تويتر” علق عليها قائلا: “ سعيد و بتشرف جدا انى أعلن إن من النهاردة مسكت رسميا إدارة اعمال النجمة كارمن سليمان. كارمن حد موهوب فوق الطبيعي”.

وتابع:" شخصية في منتهي الجمال و الرقي و من وجهة نظري هي المستقبل عشان عندها كل الامكانيات و هي عارفة إني فان كبير ليها من قبل مشتغل معاها فعلا. كارمن إن شاء الله الميجاستار القادمة من مصر للكل الفترة الجاية و افتكروا كلامي ده كويس".

أضاف: "لجمهور كارمن بقي، الكل يجهز نفسه كويس عشان إن شاء الله في اخبار كتير حلوة و جامدة قريبا و يا رب ابقي عند حسن ظنكم".

مدير أعمال شيرين عبد الوهاب ينهي فترة عمله معها بعد حفل جدة
 

أعلن الإعلامي إيهاب صالح انتهاء فترة إدارته لأعمال النجمة شيرين عبد الوهاب، وذلك بعد وقت قصير من إحيائها حفلها الغنائي في جدة.

وكتب إيهاب صالح عبر حسابه الرسمي في موقع تويتر: "جمهور شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة أللى فاتت ليها في المقام الاول و طبعا بعد كدة ليا. قررنا إن من الافضل لينا إن نحط صداقتنا و العشرة قبل أي حاجة و إني ابتعد عن إدارة أعمالها و ده أكيد لمصلحة الطرفين و لينا اسبابنا".

وأضاف إيهاب صالح: "مبروك و شكرا يا شيري من كل قلبي و يا رب اكون كنت على قد وعدي و كلمتي ليكي انى دايما في ضهرك و الحمد لله الدنيا دارت من أول و جديد و تكسري الدنيا حفلة بعد حفلة و خلاص أهو الالبوم على أبواب و متأكد إنه هينجح نجاح غير عادي. فرحان بشكل ملوش وصف بنجاحك و رجوعك بالقوي دي و ده إللي اتعودنا علية منك طول السنين دي. أنا كدة كدة دايما موجود زي مانتي عارفة و ربنا يديم كل أللى بينا على خير و أسف لو في أي لحظة كنت قصرت معاكي باي شكل".

والتقت النجمة شيرين عبد الوهاب مع جمهورها على مسرح "بنش مارك" في مدينة جدة بالسعودية، حيث تحيي حفلها الغنائي ضمن سلسلة حفلات جولة المملكة 2023.