سيدة تقييم دعوى خلع ضد زوجها:"متجوز عليا مرتين عرفي ومخلف منهم"

أقامت سيدة تدعي "نهى"، دعوي خلع ضد زوجها "رأفت" أمام محكمة الأسرة بالمطرية مطالبة فيها بالتفريق بينها وزوجها لاستحالة المعيشة؛ بسبب علاقاته النسائية الكثيرة واكتشافها زواجه العرفي من سيدتين.

وقالت الزوجة أمام قاضى محكمة الأسرة أنها تزوجت منذ 6 سنوات وأنها كانت تحب زوجها ببداية الزواج ولكن اكشتفت قيامه بخيانتها أكثر من مرة وكان يوعدها بأن ذلك لن يتكرر مرة أخرى، ولكن يقوم بفعل ذلك مرة أخرى .

وتابعت "نهى": أنا عشان بحبه حاولت أعدي كل دا رغم أني كنت بشوف صور وأسكرينات مقرفة لي مع الستات دي وكنت بواجهه وكان بيوعدني أنه هيتغير بس المرة دي كانت غير كل مرة " .

وأضافت: "المرة دي أبني جابلي موبايل باباه وقالي بابا متصور مع نونة ياماما .. ولما شوفت الصورة اتصدمت لقيته متجوز وشايل ابنة وبيتصور بيه ولما واجهته قالي أزاى تفتشي في حاجتي وأنه اه متجوز اتنين بس عرفي ومخلف منهم".

واختتمت الزوجة في دعواها: "أخر مره دي كانت صعبة عليا ووقفت قدامه قولتله مش هقدر أكمل فتعدي عليا بالضرب وبقي بيتكلم ويعلي صوته ويسمع الناس علاقاته الكتير مع الستات وبيتباهي بدا وقالي لو مش عاجبك هطلقك عادي بس هتتناذلي عن كل حاجة.. وأنا مبقتش قادرة أكمل  خلاص عشان كدا لجأت لمحكمة الأسرة بالمطرية وأقمت دعوى خلع ضده ".