مروة عبد المنعم في صدارة "جوجل" لهذا السبب
مروة عبد المنعم.. تصدرت الفنانة مروة عبد المنعم تريند محرك البحث الشهير “جوجل”، بعدما انهارت الفنانة مروة عبد المنعم من البكاء على الهواء مباشرة، بعد حديثها عن الأشخاص الذين تخلوا عنه في محنتها، وأثناء ابتعادها عن الفن.
مروة عبد المنعم.. وقالت مروة عبد المنعم خلال لقائها في برنامج "قعدة ستات"، المذاع على شاشة "القاهرة اليوم" وتقدمه الإعلامية مروة صبري: كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جمب نفسي محدش وقف جمبي، طبعا بعد ربنا، ربنا ده عظيم وكريم ، بقعد ساعات أقول أنا بصرف السنة دي ازاي.
بكاء مروة عبد المنعم
واستكملت مروة عبد المنعم حديثها قائلة: أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة.
وتابعت مروة عبد المنعم: وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا.
برنامج "قعدة ستات" تقدمه الإعلامية مروة صبري على شاشة "القاهرة اليوم" السبت من كل أسبوع وتستضيف خلاله عددًا من نجوم الفن والمشاهير.
"البيت كان هيولع".. مروة عبد المنعم تكشف تفاصيل حريق منزلها
طمأنت الفنانة مروة عبد المنعم جمهورها بعد نجاتها من حريق نشب في منزلها فجر أمس، مشيرة إلى أن الخسائر التي نتجت عن هذا الحريق بسيطة.
ونشرت مروة عبد المنعم، عبر حسابها الشخصي بموقع التواصل الاجتماعي فيسبوك، صور من آثار الحريق وعلقت عليها:" شكرًا جدًا لكل الناس اللي أتصلت بيا عشان تطمن.. الحمد لله والشكر ليك يا رب".
