"ليه كل أعمالك فشلت".. عمرو رمزي يكشف عن موقف جمعه بعادل إمام
روى الفنان عمرو رمزي، موقف يجمعه بالفنان عادل إمام، من مسلسل"فرقة ناجي عطا الله" وذلك بمناسبة بعيد ميلاده.
"ليه كل أعمالك فشلت".. عمرو رمزي يكشف عن موقف جمعه بعادل إمام
وكتب عمرو رمزي عبر حسابه بموقع التواصل الاجتماعي فيسبوك:"إيه حكاية الصورة دي في مسلسل فرقه ناجي عطالله للاستاذ عادل امام، واحنا في بيروت بنصور مشاهد الجبال اللي هربنا ليها بعد عمليه البنك كنا بنصور في بيت لبناني جميل قووي، أخدنا استراحه عشان ناكل حاجه، بعد الغدا فجاه الأستاذ عادل قالي البرنامج بتاع حيلهم بينهم كان بيضحكني قوي انت كنت غلس قوي ياواد بس عملت ضحك بتاعك لوحدك".
وتابع:" والله فاكر الكلام دا بالحرف، قلتله، يا استاذ دا حته برنامج مش فيلم سينما قالي هي دي عبقريته وهيعيش كتير جدا، فأنا شيطاني قاللي طيب ما نهزر شويه، قلت له يا استاذ طب ماتيجي نعمل حيلهم بينهم سوا، قالي انت عاوز تاخد لقطه وحركات يعني قلتله اه الصراحه وجابولنا الكراسي وقعدت حطيت رجل على رجل قدام عادل امام، وقالهم يالا صورونا، اتمطعت وقلت 3. 2. 1، ورحت قايله ليه كل أعمالك فشلت، وتييييت".
واختتم عمرو رمزي:" كل سنة وانت بألف خير وصحة يازعيم الضحك في العالم".
