سيدة بدعوى خلع:"بياخد بنتي لوالدته وبيقولى عشان هي اللى تربيها"

أقامت سيدة تدعي "سعاد"، دعوي خلع ضد زوجها "صالح" أمام محكمة الأسرة بالمطرية مطالبة فيها بالتفريق بينها وزوجها لاستحالة المعيشة؛ بسبب تفريقه بينهما وبين طفلتها.

وقالت "سعاد" البالغة من العمر 28 عامًا، في الدعوى التي تحمل رقم 1266 لسنة 2023، أن زوجها يحبها منذ أيام الجامعة وتمت خطبتهما وزواجهما وانجبنا طفلة تدعى "ملك".

وتابعت:"اتجوزنا وعيشنا حياة سعيدة ولكن حصل خلافات بيني وبين والدته لأننا بيت عيلة ودايما بتدخل في خصوصياتنا في البيت وتقوله يعمل اى وميعملش أية".

وأضافت :"بعد ما انجبت بنتي ملك كانت هي اللى عايزة تسميها والمشاكل زادت بينا بسبب انها عايزة تخلي بنتي تبات في الشقة عندها وهي  اللي تربيها وحرماني معظم الوقت من بنتي ودا ميرضيش ربنا ولما بكلمه أكتر من مرة بيعمل مشكلة وأخر مرة مد أيده عليا قدامها عشان يرضيها على حسابي".

واختتمت الزوجة في دعواها: "الموضوع بالنسبالي كان صدمة.. أنا مكنش ينفع أصبر معاه بعد ما عرفت انه بيعمل كدا ومش بيتقي الله فينا وممكن يبقي متجوز عليا عشان كدا لجأت لمحكمة الأسرة وأقمت دعوى خلع ضده".