غادة عادل تتعاون مع هنيدي في "أحمر وحلاوة".. تعرف على تفاصيل شخصيتها

تتعاون الفنانة غادة عادل مع النجم محمد هنيدي في فيلم جديد عنوان "أحمر وحلاوة"، وتجسد خلال الأحداث دور  زوجته، ومن المقرر أن يبدأ أبطاله بتصوير مشاهدهم بالعمل يوم الثلاثاء المقبل الموافق 9 مايو الجاري.

يذكر أن، كشفت الفنانة غادة عادل عن سر قبولها المشاركة في الفيلم الكوميدي "البطة الصفرا" وذلك بعد رفضها تقديم أعمال كوميدية خلال الفترة الأخيرة.

قالت غادة عادل في لقائها مع برنامج "إنسايدر بالعربي" على قناة دبي: "في الأول كنت مترددة، لكن رامي السكري ومحمد حفظي منتجي الفيلم طلبا مني قراءته فقط، قولت لهم أنا مش عايزة أعمل كوميدي الفترة دي، فقالا لي طيب ممكن تقري بس، عايزين نعرف رأيك، ولما قرأت من ربع الفيلم، قولت لهما أنا شكلي هعمل الفيلم ده لأن الشخصية عجباني".

وتابعت: “ساعات بيبقى دور البنت في الأفلام الكوميدي مش حلو، ودي كانت أكتر حاجة بتضايقني شوية في الأفلام الكوميدي؛ إن دور البنت موجود علشان لازم يبقى فيه واحدة تعمل أي حاجة مش مهمة، ولكن لما قريت الفيلم ده هو فيه فيلم حلو وتقيل والكوميديا السوداء وفيه موضوع وفيه شخصيات حلوة”.