طارق النهري عن محمد سامي: رافضني في البداية
السبت 22/أبريل/2023 - 10:51 م
كشف الفنان طارق النهري، عن تفاصيل مشاركته في مسلسل "جعفر العمدة"، خلال لقائه اليوم ببرنامج واحد من الناس مع الإعلامي عمرو الليثي.
قائلا:" واختياري كان جاي من قبل الشركة ومن قبل محمد سامي، وأنا ماشتغلتش مع محمد سامي قبل كدا خالص، ومكنش يعرفني وقالهالي، قالي كنت رافضك أنما في أول قاعدة حبيتك بطريقة غير طبيعية، وبقينا فعلا صحاب جدًا من أول قاعدة ولغاية النهاردة".
تابع:" ولما قريت الورق اتخضيت وخوفت، ولما قعد مع محمد وشرحلي بدأت أهدى وبدأت أدخل في الشخصية وأقرأها بشكل تاني خالص والحمد لله أنها طلعت بالشكل دا، وأنا ذاكرت واجتهدت عليها أوي وابتديت أحس بكل جملة بتتقال عشان أشوف أنا يأكشني هيبقى ايه، وكنت عايز أنا ومحمد سامي نحير الجمهور الشخصية دي ايه".
