"لا طلعوا ثقة ولا نيلة".. مواطنون يحذرون من منتجات شركة العربي
حذر عدد من المواطنين من شراء منتجات شركة توشيبا العربي بعد تجاربهم الشخصية ، حيث قالت إحدى السيدات ،" اسوأ شركة واسوأ تجربة شركة العربى جروب للاسف دى تانى تجربة بعد تجربة شاشة توشيبا اندرويد الضمان ينتهى وبعدها باسبوع الجهاز يتحرق تانى تجربة كان بخصوص هاند بلندر تورنيدو الضمان انتهى وبعدها الجهاز وقف روحتو مركز الصيانة تبع العربى الفنى مسك الجهاز فى ايده وقالى محتاج موتور وبوردة من غير حتى ما يجرب او يفتح الجهاز".
وتابعت عن مشكلتها مع شركة العربي،" اضطريت اصلحه يقولى ثمن الاصلاح 600 جنيه والجهاز ثمنه من سنة 1000 بملحقاته من مفرمة ومبشرة ومضرب وبعد ما صلحته فى فرع صيانة اسالة على ثمن الموتور والكارته فى شارع كلود بك ثمنهم 210 جنيه وماركة افضل بخلاف الموتور الصينى ركبه صيانة العربى واكتشفت ان وقعت فى نصباية شركة اسمها العربى جروب شعارهم صناع الثقة وطلعو ولا ثقة ولانيلة".
وقالت سيدة أخري عن مشكلتها مع شركة العربي،" محدش يشترى اى اجهزة كهربائية من توشيبا العربى تجربة سيئة معاهم للغاية اشتريت تلاجة شارب بالظبط قبل رمضان الى فات يادوبك عدى كام شهر فوجئت فى شهر 8 لقينا الفريزر بيكون تلج بسيط كلمناهم طبعاً وكمية زيارات منزلية غير طبيعية عايزه بوستات مطولة عشان احكلكوا فيها اللى حصل وهما بمنتهى النتاحة مصرين انها زى الفل وبعد تليفونات ومحاولات كتيرة من الوسطى خدوها وغيروا فيها شوية حاجات وجابوها مع ان المفروض يغيروها بما انها لسه جديدة حتى لسه بكياس الفبريكا وقبلت بالامر الواقع لانى زهقت من الحاحهم".
وتابعت عن مشكلتها مع شركة العربي ،" المصيبة انهارده بدون اى مقدمات التلاجة والفريزر فصلوا خالص والحاجه ساحت وخسائر بالهبل والفنى جه والموتور باظ بجد مش عارفه اعمل ايه حسبى الله ونعم الوكيل التلاجه لسه بالبلاستيك بتاعها".
