سيدة في دعوى طلاق للضرر: "مريضة سرطان ورافض يعالجني قالي كدا كدا هتموتي"
رفعت زوجة تدعي "هدير" دعوي طلاق للضرر ضد زوجها "إيهاب" أمام محكمة الأسرة بشبرا مطالبة فيها بالتفريق بينها وبين زوجها لاستحالة المعيشة؛ لبخله الشديد عليها وعدم تكفله بمصاريف علاجها.
وقالت “هدير” البالغة من العمر 39 سنة، في الدعوي التي تحمل رقم 1280 أن زوجها سليط اللسان وأخلاقه ليست طيبة مثلما كان يرسم أمامها بفترة الخطوبة قائلة :" صدمتي فيه كانت كبيرة بعد الجواز لما كنت بسمعه بيشتم وهو بيكلم في التليفون جنمبي..وغير كدا بقي بخيل أوى عليا حتي لو طلبت فاكهة للبيت بيخليني أدفع حقها من مصروف البيت اللي مش بيقضي أصلا".
وتابعت في دعواها بأنها لم تعد تتحمل ذلك لأنه أصبح يفعل ذلك عندًا قائلة: “مبيحترمش حد وبقت الشتيمة على لسانه دايمًا حتي قدام بنتي وبقي بيضربني لما بعترض”.
وأضافت بأنها شعرت بالضيق وحاولت تتحدث معه لكي يتوقف عن تلك الأفعال عن بخله ولكنه كان يزداد ويتمرد أكثر قائلة : “كان بيعند معايا دايمًا ولما عرف أني مريضة سرطان في القولون بدل ماأصعب عليه ويعالجني في أحسن مكان رماني ومرضيش يوديني جلسات بانتظام وقالي أنتي كدا كدا هتموتي مافيش حد بيعيش منه”.
واختتمت الزوجة في دعواها: "الموضوع بالنسبالي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى طلاق للضرر ضده".
