نهى العمروسي: شكيت في كل الأديان وبدأت أصلي بعد تخرجي من معهد السينما
قالت الفنانة نهى العمروسي، إنها أخذت قرار الصلاة بعد تخرجها من المعهد العالي للسينما، بعدما وجدت الله في قلبها وأنه قريبًا منها دائمًا.
واستكملت نهى العمروسي، في تصريحات تليفزيونية، بدأت أصلي متأخر عشان بعد ما دورت على ربنا ولقيته جوانا، ولما لقيته أقرب حاجة لينا وأحنا مش متخيليين، وهو الحب ومننا وجايين من عنده ورايحين عنده.
وأضافت نهى العمروسي: أنا جاتلي فترة وشكيت في كل الأديان، ووصلت في النهاية أن ربنا حب وجمال وخير وعدل وكل حاجة حلوة، وشفته وحسيت بيه في كل الأديان، كل دين رايح لربنا واتجاهه رايح لربنا، والهندوسية مفيهاش نبي وملهاش كتاب.
وتابعت نهى العمروسي: وكتبت مرة 9 قيم في الهندوسية مليئة بالعطاء والخير والتبادل وقمة الصوفية، ومتفرقش معايا القيم حتى لو جاية من البوذية أو الإسلام أو اليهودية ، المهن أنها قيمة عالية.
وأشارت نهى العمروسي إلى أن ديانتها التي على بطاقتها الشخصية هي “مُسلمة”، ولكن ردت قائلة: ديانتي اللي جوه قلبي مِسلمة مش مُسلمة، يعني التسليم لله ، يعني مُسلمة مِسلمة أمري لله.
