مسلسل جعفر العمدة الحلقة 4 ..منة فضالي ترد على منتقدي العمل: ملكش دعوة

تحدثت الفنانة منة فضالي عن الإنتقادات التي تلقها مسلسل جعفر العمدة الذي يعرض حاليا ضمن مسلسلات رمضان 2023، مضيفة أن العمل مكتوب بشكل جيد جدا.

منة فضالي عن الإنتقادات لـ مسلسل جعفر العمدة: لو مش عاجبك المسلسل ملكش دعوة 

كتبت منة فضالي خلال بث مباشر عبر صفحتها على موقع التواصل الإجتماعي “الفيسبوك” قائلة: “ المخرج محمد سامي عامل مسلسل راهيب وكتر ألف خيره، وأنا بضايق لما بلاقي حد كاتب حاجة مش حلوة على المسلسل، أكتبوا حاجة حلوة على المسلسل وخلاص ولو مش عاجبك المسلسل ملكش دعوة ومتبقوش كده خليكوا لطاف عيب كده”.

وأضافت منة فضالي:" موضوع تعدد الزوجات وارد وفي ناس بتتجوز تلاتة وأربعة واتنين والمسلسل حلو وبصوا عليه من نظرة تانية، احنا مش بنعمل رسالة احنا بنعمل تأليف ممكن تكون موجودة أو لا بس كل واحد يبص عليه بطريقته".

واستكملت منة فضالي حديثها :" مش عايزة حد يكون مضايق من الستات وقصة الزوجات والحما في ناس كده كتير وده مش عيب واحترام الحما ده موضوع كبير حتى لو بتشتم وبتزعق لازم نحترمها لأنها ست كبيرة".

أشارت أنها خافت من تقديم الدور:" و أنا والله العظيم كنت خايفة جدًا من الدور ده لأنه كوميدي وأنا أول مرة في حياتي أعمل دور كوميدي وكمان الدور صعب جدًا، ولسه في شغل مهم واحنا كلنا تعبانين فيه وعاملين مجهود وبالأخص أستاذ محمد سامي ومحمد رمضان".

وتحدثت منة عن أبطال العمل وقالت:" هالة صدقي ملهاش حل وهي مسلسل لوحدها وبشكر كل زملائي في المسلسل واحد واحد وكلهم نجوم ومنورين وإيمان العاصي فظيعة ومي كساب راهيبة، وأحمد فهيم سيد العمدة رهيب وكارم ومنذر وزينة وكل المسلسل أحلى من بعضهم ومش عايزة أنسى حد احنا كاست كبير وبيومي فؤاد أضافة للعمل ويارب يكون مسلسل عاجبهم".

واختتمت قائلة:" محمد رمضان فاكهة المسلسل وبيقتلنا ضحك وتعب جدا في المسلسل وبيشتغل على نفسه كتير أوي على نفسه ومحمد سامي أكتر حد تعبان لأنه شايل كاست كبير وبيستحملنا بمشاكلنا وبلاوينا".

أبطال مسلسل جعفر العمدة

 مسلسل "جعفر العمدة" تأليف وإخراج محمد سامى، وشارك فى السيناريو والحوار مهاب طارق، وبطولة محمد رمضان، ايمان العاصي ، زينة، هالة صدقى، مى كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، دعاء حكم، أحمد داش، بيومى فؤاد، فريدة سيف النصر، جورى بكر، لما كتكت، طارق النهرى، أحمد عبد الله.