محمد سامي: هالة صدقي مفاجأة وهتكون استثنائية في مسلسل "جعفر العمدة"
كشف المخرج محمد سامي تفاصيل جديدة في مسلسل "جعفر العمدة"، بطولة الفنان محمد رمضان، موضحا سبب نجاح التعاون معه.
محمد سامي: هالة صدقي مفاجأة وهتكون استثنائية في مسلسل "جعفر العمدة"
وقال محمد سامي خلال لقائه مع شركة ميديا هب:" مسلسل فكرته بتدور حول راجل له هيبة في منطقة السيدة زينب، وحصل له حادثة قديمة في حياته إن ابنه اتخطف من وهو عنده يوم، وبعدها بنشوف رحلته وهو بيدور على ابنه وهو معاه، يعني بيدور على حاجة موجودة".
تابع عن الممثل الذي تفاجأ منه خلال التمثيل:" كل الممثلين في جعفر العمدة عاملين شغل حلو جدًا بس الممثل المفاجأة بالنسبة لي هو مدام هالة صدقي، شايف إنها هتكون استثنائية، وأنا بعمل المسلسل مش بقول ده هينجح أو لا، دايما بقول هعمل كل حاجة أقدر عليها واستنى التوفيق من ربنا".
و أوضح محمد سامي عن سبب نجاح أعماله مع محمد رمضان وقال:" إحنا عشان متفاهمين وبينا تعاون وبنعرف نفكر مع بعض، وبينا توافق ذهني، وأنا عمومًا مخرج بيخلي الممثل اللي معاه يمثل بأريحية، لذلك ده واضح في أعمالنا مع بعض، وحصلت كتير في تاريخ الفن إن يبقى في مخرج وبطل حصل بينهم نجاحات كتير واستثنائية بسبب التوافق ده".
وأضاف: "أنا دايما بقول إني بحب الجملة بتاعتي اللي بكتبها لما محمد رمضان يقولها، هو عنده إحساس ومشاعر في طريقة توصيل الجملة، سواء هي جملة فيها تراجيديا أو فيها عصبية، وهو ممثل استثنائي وشايف إن أكتر مرة كتبت فيها كلام وصل واتقال من الممثل بشكل وصل للمشاهد كان الكلام اللي كاتبه لـ محمد رمضان".
مسلسل "جعفر العمدة"، بطولة الفنان محمد رمضان، زينة، هالة صدقي، منة فضالي، إيمان العاصي، مي كساب، عصام السقا، منذر رياحنة، دعاء حكم، بيومي فؤاد، أحمد فهيم، طارق الدسوقي، أحمد فتحي، فريدة سيف النصر، مجدي بدر، سلوى عثمان، أحمد داش، أحمد عبد الله، جوري بكر، تأليف وإخراج محمد سامي، إنتاج شركة سعدي جوهر.
