"ضربني قدام بتاع الدليفري عشان معملتش أكل".. سيدة تقيم دعوى خلع أمام محكمة الأسرة

أقامت سيدة تدعي "ميرفت" دعوي خلع ضد زوجها "ياسر" أمام محكمة الأسرة بشبرا، مطالبة فيها بالتفريق بينها وزوجها لاستحالة العشرة بينهما، لتعديه عليها بالضرب أمام عامل الدليفري.

وقالت الزوجة في الدعوى التى حملت رقم 6142 لسنة 2022، أنها تزوجت منذ عام ونصف، وأنها كانت تحب زوجها ببداية الزواج، ولكن اكشتفت أنه بخيل ولا يحب أن يتم شراء أي شيء من خارج المنزل إلا بعلمه، ومن هنا بدأت الخلافات بينهما وتركت له المنزل ولكنه قام بمصالحتها وعادت للمنزل مرة أخرى.

وتابعت "ميرفت": :أنا محبتش أعمل مشاكل معاه ورجعت لبيتي ولكنه برضه مقصر معايا فقررت إنى هشتغله في الأزرق ومش هعمله أكل.. وفضلت على الحال دا 4 أيام وعملت نفسي تعبانة وكان بياكل أى حاجة لحد ما في يوم قررت استفزه وطلبت دليفري ".

وأضافت: "أنا وهو بقينا بنتخانق كتير وطول الوقت في مشاكل وبيضربني ضرب غشيم بيستغل أن أبويا ميت ومعنديش حد يقف قدامه وأخر مرة جيه لقاني مش عاملة أكل نزل فيا ضرب والباب خبط لقاه بتاع الدليفري ضربني قدامه عشان طلبت أكل من برا ..أنا عايزة حقي".

واختتمت الزوجة في دعواها: "آخر مره دي كانت صعبة عليا أوى لما ضربني عشان معملتش أكل وأنا مبقتش قادرة أكمل خلاص، عشان كدا لجأت لمحكمة الأسرة بشبرا وأقمت دعوى خلع ضده ".