الخميس 28 مارس 2024 الموافق 18 رمضان 1445
رئيس التحرير
حازم عادل
حوادث

"بياخد مصروفه مني".. سيدة تقيم دعوى خلع أمام محكمة الأسرة

السبت 04/مارس/2023 - 04:22 م
محكمة الأسرة
محكمة الأسرة

أقامت "ماريا" دعوي خلع ضد زوجها "عمرو" أمام محكمة الأسرة بالتجمع، تطالب فيها بالتفريق بينها وزوجها لاستحالة العشرة بينهما، لأنه لاينفق عليها وطفليها ولا يحب العمل.

وقالت الزوجة فى الدعوى التى حملت رقم 7113 لسنة 2022، أنها تزوجت منذ 3 أعوام وأنها تحب زوجها ولكن في الفترة الأخيرة أصبحت لاتتحمل أفعاله، حيث يترك عمله دون أى سبب ويجلس بالمنزل، وإذا عاتبته يقول لها :" مبحبش الشغل أنا اتعودت أقعد والفلوس تجيلي من أبويا".

وتابعت "ماريا": "أنا عشان بحبه حاولت أعدي كل دا وبقول ظروف وهتتحسن وهيعقل لما يخلف، وكان في ضغط من أهلى إني اطلق منه ولكن قولت لأ وخلفت توأم ووقتها قولت يمكن يحس بالمسؤولية .. لكن بقى بياخد فلوس مني ومن أبوه".

وأضافت: "أنا وهو بقينا بنتخانق كتير وطول الوقت في مشاكل ومش فاهمني ولما فلوسي خلصت بقي بياخد فلوس من أمه زي الطالب اللى بياخد مصروفه وأنا مبقتش قادرة أعيش معاه نهائي".

واختتمت الزوجة في دعواها: "الموضوع بالنسبالي بقي صعب وأهلى عندهم حق انا مكنش ينفع أصبر معاه كل دا ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".