انفراد.. أنا منصوب عليا زيكم.. الظهور الأول للمتهم بقضية النصب الشهيرة لمنصة هـوج بول (فيديو)
كشف محمد المتهم بقضية النصب الشهيرة لمنصة هوج بول، تفاصيل جديدة عن القضية موضحا أنه نصب عليه كباقي الضحايا الذين تم النصب عليهم، -على حد قوله-.
وقال محمد، في تصريحات لـ"مصر تايمز"،: "اللي حصل عملي صدمة كبيرة جدا زي باقي الناس، وأنا كنت منهار لما ده حصل ومكونتش عارف أطلع اكلم الناس ولقيتهم بيتهموني بالنصب، وأنا تنصب عليا زيهم".
وأضاف: "اتهام الناس ليا باني شريك في عملية النصب سبب لي انهيار ومكونتش عارف أطلع أقول إيه للناس وأنا اتوجعت زيهم وانهرت".
وتابع: "الناس كانت متخيلة إن كسبت كتير، واللي كنت بكسبه كنت بحطه تاني في المنصة زيهم، الطمع هو اللي خلانا نعمل كدة".
وأشار إلى أن جميع عمليات التحويل للأموال كانت تتم عن طريق محفظة كاش لإحدى شركات المحمول، مضيفا أن هذه المنصة عملت سجل تجاري لفتح مقرات في مصر لخداع الضحايا مما ساعد في تصديقهم والدخول معهم وكان هناك حملات لهم في القاهرة ولإسكندرية والمنصورة .
واوضح أنه دخل منصة هوج بول عن طريق أخرين وبالتالي قام هو بإدخال عدد تابعين له بهدف جني الأرباح معقبا:" لو أن متهم يبقى أي حد دخل حد تاني متهم زيي، وأنا عملت بلاغ للنائب العام بأني اتنصب عليا وحسابي داخل المنصة قبل ما تقفل بيوم كان 5 آلاف دولار وشوية، ولو انا عارف إن الشركة هتنصب على الناس مكونتش سبت فلوسي داخل المنصة".
