تعليق ناري من عبير صبري حول تقديم المحجبات بالدراما بشكل غير لائق
حرصت الفنانة عبير صبري، على التعليق حول الجدل القائم عن تقديم الدراما المصرية للمحجبات بشكب غير لائق، وذلك عبر صفحتها على موقع تبادل الصور والفيديوهات القصيرة "إنستجرام".
عبير صبري تعلق على الجدل حول تقديم المحجبات الدراما بشكل غير لائق
وكتبت عبير صبري: "بمناسبة الجدل الداير حوالين أن الدراما بتقدم المحجبة بشكل مش حلو وإن فيه تعمد بكده ودا طبعاً غير حقيقي بالمرة ولكن الشخصية طبيعتها وظروفها الاجتماعية أو الاقتصادية أو النفسية وقصتها وغيره هي اللي بتفرض الشكل العام ليها يعني".
تابعت: "لو مرفهة بتكون ليها شكل او مسؤولة وشقيانة ليها شكل أو بتمتهن مهنة ليها شكل دا شيء بديهي وهكذا وحبيت أفكركم إن مفيش تعمد ولا حاجة أنا قدمت دور شريفة في مسلسل الطوفان وكانت جميلة ومرتبة وشيك وعندها صراع مختلف لأنها ست بيت وزوجها بيصرف عليها ومش محتاجة حاجة فاكرين الدور ده".
واختتمت عبير صبري كلامها قائلة: "ياريت تستمتعوا بالعمل الفني اللي مبذول فيه جهد كبير".
