غادة عادل تكشف سبب خوفها من الأدوار الكوميدية
كشفت الفنانة غادة عادل عن سر قبولها المشاركة في الفيلم الكوميدي "البطة الصفرا" وذلك بعد رفضها تقديم أعمال كوميدية خلال الفترة الأخيرة.
غادة عادل تكشف سبب خوفها من الأدوار الكوميدية
قالت غادة عادل في لقائها مع برنامج "إنسايدر بالعربي" على قناة دبي: "في الأول كنت مترددة، لكن رامي السكري ومحمد حفظي منتجي الفيلم طلبا مني قراءته فقط، قولت لهم أنا مش عايزة أعمل كوميدي الفترة دي، فقالا لي طيب ممكن تقري بس، عايزين نعرف رأيك، ولما قرأت من ربع الفيلم، قولت لهما أنا شكلي هعمل الفيلم ده لأن الشخصية عجباني".
وتابعت: “ساعات بيبقى دور البنت في الأفلام الكوميدي مش حلو، ودي كانت أكتر حاجة بتضايقني شوية في الأفلام الكوميدي؛ إن دور البنت موجود علشان لازم يبقى فيه واحدة تعمل أي حاجة مش مهمة، ولكن لما قريت الفيلم ده هو فيه فيلم حلو وتقيل والكوميديا السوداء وفيه موضوع وفيه شخصيات حلوة”.
وأضافت غادة عادل: “أقدم شخصية جديدة ومختلفة وخوفتني، والشخصية نفسها فيها حاجات كتير أنا معملتهاش في مشواري الفني قبل كده، وده حمسني إن فيلم كوميدي في دور البنت كبير ومهم”.
الفيلم قصة وسيناريو وحوار محمود عزت ومن إنتاج المنتج رامي السكري ومدير التصوير أحمد عبدالقادر ومهندسة الديكور مروة عامر ومهندس صوت زياد عزت واستايلست نيرة دهشورى. ومنتج فني شادي سلامة.
ويشارك في إنتاجه السيناريست والمنتج والرئيس الأسبق لمهرجان القاهرة السينمائي الدولي محمد حفظي بالاضافة الي المنتجين كريم السكري و حامد مصطفي.
كما يشارك في الفيلم نخبة من ضيوف الشرف منهم النجم القديرصلاح عبدالله و النجم القدير سامي مغاوري بالاضافة للنجم عمرو رمزي.
