مفيدة شيحة تقدم نصائح ذهبية لست البيت لتخطي أزمة إرتفاع الأسعار
قدمت الإعلامية مفيدة شيحة، عدة نصائح لست البيت لحل مشاكل ارتفاع أسعار بعض السلع ، في ظل الأزمة الاقتصادية التي يمر بها العالم ومصر.
وقالت مفيدة شيحة، في تصريحات تليفزيونية، إن الغالي له بديل، دا جروب على الفيسبوك، علشان اللي تلاقي فكرة او اختراع تشاركه مع عدد من الستات يقدروا يستفيدوا منها"، مضيفة أن "الجروب ده عملته زيزي سيف النصر، البلوجر المهتمة بصناعة محتوى عن الأسرة والبيت والمطبخ والحاجات اللي ممكن تستفيد منها".
واضافت مفيدة شيحة، أن :"في الجروب ده، مش بس بيلاقوا بدايل لمنتجات بالجودة نفسها أو بفرق بسيط مايفرقش، لكن بأسعار أقل، كمان بينصحوا بعض ازاي يكملوا الشهر بخطة تخليهم يجيبوا أكل مفيد ومغذي وقيمته الغذائية مهمة للأولاد وجسمهم بأقل سعر ممكن.
وأكملت مفيدة شيحة، أن "الجروب متقسم بين نصايح ومنتجات وأسئلة، علشان تلاقي اللي بتدوري عليه بسهولة".
